[X] Close
JUST IN
  • BREAKING-NEWS மத்திய முன்னாள் நிதி அமைச்சர் அருண் ஜெட்லி உடல் நலக்குறைவால் காலமானார்
  • BREAKING-NEWS சிபிஐ விசாரணைக் காவலை ரத்துச் செய்யுமாறு உச்ச நீதிமன்றத்தில் ப.சிதம்பரம் மனு. திங்கட்கிழமை வரை சிதம்பரத்தை கைது செய்ய அமலாக்கத் துறைக்கு தடை
  • BREAKING-NEWS கோவையில் 6 பயங்கரவாதிகள் ஊடுருவியுள்ளதாக தகவல் கிடைத்திருக்கிறது என காவல் ஆணையர் பேட்டி. உஷார் நிலையில் காவல்துறை
  • BREAKING-NEWS சென்னையில் பெட்ரோல் லிட்டருக்கு ரூ. 74.70 காசுகளாகவும், டீசல் லிட்டருக்கு ரூ. 68.84 காசுகளாகவும் விலை நிர்ணயம்

கிரீன்லாந்தில் ஒரே நாளில் உருகிய 1100 கோடி டன் பனிப்பாறை!

greenland-lost-11-billion-tons-of-ice-in-one-day

கிரீன்லாந்தில் ஒரே நாளில் சுமார் ஆயிரத்து 100 கோடி டன் பனி உருகியிருப்பது அதிர்ச்சியை ஏற்படுத்தி உள்ளது.

கிரீன்லாந்து நாட்டில், கோடைக்காலத்தின்போது வழக்கமாக 50 சதவீத பனி உருகுவது வழக்கம். தொடர்ந்து வரும் குளிர்காலத்தில் மீண்டும் ‌பனி உறைந்து விடுவதுண்டு. இந்நிலையில் கடந்த சில வாரங்களாக ஐரோப்பிய நாடுகளில் கடும் வெப்பம் காரணமாக பனி உருகுவது அதிகரித்துள்ளது.

அதன்படி கிரீன்லாந்தில் 24 மணி நேரத்தில் ஆயிரத்து 100 கோடி டன் பனி உருகி கடல் நீர்மட்டத்தை அதிகரிக்க செய்துள்ளதாக ஆய்வாளர்கள் தெரிவிக்கின்றனர். ஆவணப்படங்களைத் தயாரிக்கும் காஸ்பர் ஹார்லோவ் என்பவர் எடுத்த பனி உருகும் வீடியோக்கள் தற்போது வெளியாகியுள்ளது.

இது குறித்து கருத்து தெரிவித்துள்ள நாசா ''கிரீன்லாந்தின் பனிப்பாறைகள் ஒரு "பெரிய பனி உருகும் நிகழ்வுக்கு" ஆளாகியுள்ளன. பில்லியன் டன்களில் உருகும் நீர் அட்லாண்டிக் பெருங்கடலில் கலந்து கடலின் நீர்மட்டம் உயர்கிறது.

புளோரிடா மாநிலம் முழுவதையும் கிட்டத்தட்ட ஐந்து அங்குல நீரில் மூடுவதற்கு இந்த நீர் போதுமானது. அதிக வெப்பத்தின் காரணமாகவே இந்த முறை அதிக அளவிலான பனிக்கட்டிகள் உருகியுள்ளன. உலக வெப்பமயமாதல் போன்ற வானிலையை பாதிக்கும் காரணங்களால் எதிர்காலத்தில் இன்னும் மோசமான நிலைமையை சந்திக்க வாய்ப்புள்ளது'' என தெரிவித்துள்ளது

Advertisement:
இது தொடர்பான செய்திகள் :
Advertisement:
Advertisement:
[X] Close