[X] Close
JUST IN
  • BREAKING-NEWS இ-சிகரெட் விற்பனை, உற்பத்தி, ஏற்றுமதி இறக்குமதிக்கு தடை - மத்திய அமைச்சரவைக் கூட்டத்தில் முடிவு
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு
  • BREAKING-NEWS சென்னை உள்பட மாநிலத்தின் பல்வேறு பகுதிகளில் இடிமின்னலுடன் கனமழை. வளிமண்டல மேலடுக்குச் சுழற்சி காரணமாக மழை நீடிக்கும் எனத் தகவல்

முத்தலாக் கூறி ரஷ்ய மனைவியை விவாகரத்து செய்த மலேசிய மன்னர்!

malaysia-s-ex-king-divorces-former-russian-beauty-queen-by-triple-talaq

மலேசிய முன்னாள் மன்னர், ஐந்தாம் சுல்தான் முகமது, தனது ரஷ்ய மனைவியை, விவாகரத்து செய்துள்ளார்.

மலேசியாவில் மன்னரின் முடியாட்சியின் கீழ், கூட்டாட்சி முறையிலான ஆட்சி அமலில் உள்ளது. ஐந்தாண்டுகளுக்கு ஒரு முறை, அந்நாட்டில் புதிய மன்னர் தேர்வு செய்யப்படுவது வழக்கம். இதன்படி அந்நாட்டின் 15 வது மன்னராக, 2016 ம் ஆண்டு ஐந்தாம் சுல்தான் முகமது (49) முடிசூடினார். 


ரஷியா சென்றிருந்த அவர், ‘மிஸ்.மாஸ்கோ’ பட்டம் பெற்ற ஓக்சானா வோயவோடினா (25) என்ற பெண்ணை காதலித்து 2017 ஆம் ஆண்டு திருமணம் செய்து கொண்டார். இந்த  திருமணம் காரணமாக, மன்னர் படத்தைத் துறந்தார். இதை மலேசிய மன் னர் அரண்மனை அதிகாரபூர்வமாக அறிவித்தது. பிரிட்டனிடம் இருந்து 1957 ஆம் ஆண்டு சுதந்திரம் பெற்றது முதல், மலேசி யாவில் மன்னர் ஒருவர் முடி துறப்பது இதுதான் முதல் முறை என கூறப்பட்டது.

இந்நிலையில், மன்னர் தன் ரஷ்ய மனைவியை கடந்த மாதம் முத்தலாக் கூறி விவாகரத்து செய்துவிட்டதாக அவரது வழக்க றிஞர் தெரிவித்துள்ளார். இந்த விவாகரத்து சான்றிதழ் இணையத்தில் வெளியாகியுள்ளது. மன்னரை திருமணம் செய்த பின்னரும் சிலருடன் ஓக்சானா நெருக்கமாக இருந்த வீடியோ இணையத்தில் வெளியானதை அடுத்து, முத்தலாக் சொல்லி விவாகரத்து செய்ததாகக் கூறப்படுகிறது.  ஆனால், 'இது பற்றி தனக்கு எதுவும் தெரியாது' என அவரது மனைவி ஒக்சானா தெரிவித்துள்ளார். 

மன்னர்- ஒக்சானா தம்பதிக்கு கடந்த மே மாதம், ஆண் குழந்தை பிறந்தது. ஆனால் மன்னரின் வழக்கறிஞர், அந்த குழந்தை யின் தந்தை மன்னர் என்பதற்கு அறிவியல் ரீதியிலான சான்று இல்லை எனத் தெரிவித்துள்ளார்.

Advertisement:
Advertisement:
Advertisement:
[X] Close