[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை

வடகொரியா சென்ற அமெரிக்க அதிபர்: ட்ரம்ப் - கிம் வரலாற்று சந்திப்பு !

first-sitting-us-president-to-set-foot-in-north-korea

ஜி20 மாநாட்டிற்காக ஜப்பான் சென்ற அமெரிக்க அதிபர் டொனால்ட் ட்ரம்ப் அங்கிருந்து தென்கொரியா எல்லைக்கு சென்று வட கொரிய அதிபர் கிம் ஜாங் உன்னை சந்தித்தார். 

ஜி20 மாநாட்டிற்காக ஜப்பான் வருகை தந்த அமெரிக்க அதிபர் ட்ரம்ப், அங்கிருந்து தென்கொரியா சென்றார். அங்கு அந்நாட்டு அதிபர் மூன் ஜேவை சந்தித்த ட்ரம்ப் பின்னர் அவருடன் வடகொரிய தென்கொரிய எல்லைக்கு சென்றார். அங்கு எல்லையை கடந்து, வடகொரியா அதிகாரத்துக்கு உட்பட்ட பகுதிக்கு சென்ற ட்ரம்ப், அதிபர் கிம் ஜாங் உன்னை சந்தித்து கைகுலுக்கினார். இதனால் வடகொரிய எல்லைக்குட்பட்ட பகுதிக்கு சென்ற முதல் அமெரிக்க அதிபர் என்ற பெருமையை ட்ரம்ப் பெற்றுள்ளார். 

இந்த பகுதிக்கு வருவதில் பெருமை கொள்வதாக தெரிவித்த ட்ரம்ப் நிறைய நல்ல விஷயங்கள் நடப்பதாக கூறினார். ட்ரம்பின் இந்த பயணம் இரு நாட்டு உறவில் முக்கிய மைல்கல் என வட கொரிய அதிபர் கிம் ஜாங் உன் தெரிவித்தார். அமெரிக்கா - வடகொரியா இடையே நீண்ட ஆண்டுகள் பகை இருக்கும் நிலையில் கடந்த ஆண்டு வரலாற்றிலேயே முதன்முறையாக அமெரிக்க அதிபர் ட்ரம்பும், வடகொரிய அதிபர் கிம்மும் சிங்கப்பூரில் சந்தித்தனர். இதனை தொடர்ந்து வியட்நாமில் இரண்டாவது சந்திப்பு நடைபெற்றது. ஆனால் அது தோல்வியில் முடிந்தது. இந்நிலையில் இந்த சந்திப்பு நடைப்பெற்றது. மேலும் ட்ரம்ப் வடகொரியாவுக்கு சென்று கிம் ஜாங் உன்னை, சந்தித்திருப்பது வரலாற்றில் இடம்பிடித்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close