[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

மத மோதல் தொடர்ந்தால் இஸ்லாமிய பிரபாகரன் உருவாகக் கூடும் - மைத்ரிபால சிறிசேன 

don-t-let-muslim-prabhakaran-be-born-says-sri-lankan-president-sirisena

இலங்கையில் அனைத்து மதத்தினரும் ஒற்றுமையாக இருக்க வேண்டும் என்றும் இல்லாவிட்டால் இஸ்லாமியர்களில் இருந்து ஒரு பிரபாகரன் உருவாகி விடக் கூடும் என்றும் அந்நாட்டு அதிபர் மைத்ரிபால சிறிசேன தெரிவித்துள்ளார்

ஈஸ்டர் நாளில் தேவாலயத்திலும் நட்சத்திர விடுதிகளிலும் நடத்தப்பட்ட பயங்கரவாத தாக்குதலில் 200க்கும் அதிகமானோர் பலியாயினர். உள்ளூர் இஸ்லாமியக் குழு இத்தாக்குதலில் ஈடுபட்டதாக கூறப்படும் நிலையில் நாடெங்கும் உள்ள இஸ்லாமியர்கள் மீது தாக்குதல்கள் தொடர் கதையாகின. இந்நிலையில் இலங்கை அதிபர் மைத்ரிபால சிறிசேன மத ஒற்றுமை குறித்து பேசியுள்ளார்.

முல்லைத்தீவில் பேசிய சிறிசேன, ''இலங்கையில் அனைத்து மதத்தினரும் ஒற்றுமையாக இருக்க வேண்டும். இல்லாவிட்டால் இஸ்லாமியர்களில் இருந்து ஒரு பிரபாகரன் உருவாகி விடக் கூடும்'' என்று தெரிவித்துள்ளார். இது குறித்து கொழும்பு கெஜட் பத்திரிகை செய்தி வெளியிட்டுள்ளது.

மேலும் இலங்கை தற்போது மத ரீதியாக பிளவு பட்டுக் கிடப்பதாகவும் அதிபர் கவலை தெரிவித்ததாக அப்பத்திரிகை குறிப்பிட்டுள்ளது. மக்கள் மத்தியில் மத ரீதியிலான பிளவு தொடர்ந்தால் மற்றுமொரு உள்நாட்டுப் போர் உருவாகக் கூடும் என்றும் இதில் தோற்கப் போவது ஒட்டுமொத்த தேசமும்தான் என்றும் சிறிசேனா கவலை தெரிவித்தார் என்றும் அப்பத்திரிகை தெரிவித்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close