[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை
  • BREAKING-NEWS தீபாவளி அன்று தமிழகத்தில் பட்டாசு வெடிக்க காலை ஒரு மணி நேரம், மாலை ஒரு மணி நேரம் அரசு அனுமதி
  • BREAKING-NEWS பிசிசிஐ தலைவராக பொறுப்பேற்றுக் கொண்டார் சவுரவ் கங்குலி
  • BREAKING-NEWS ஐஎன்எக்ஸ் மீடியா விவகாரம்: அமலாக்கத்துறை தொடர்ந்த வழக்கில் ஜாமீன் கேட்டு ப.சிதம்பரம் மனு

ஆப்கானில் குண்டுவீச்சு: கேரள ஐஎஸ் தலைவர் உட்பட 5 இந்தியர்கள் உயிரிழப்பு!

leader-of-kerala-is-module-killed-by-the-us-forces-in-afghanistan

ஆப்கானிஸ்தானில் பயங்கரவாதிகளை குறி வைத்து அமெரிக்க படையினர் நடத்திய குண்டுவீச்சில், கேரள, ஐஎஸ் பிரிவு தலைவர் உட்பட 5 இந்தியர்கள் கொல்லப்பட்டுள்ளனர்.

ஆப்கானிஸ்தானில் தலிபான் மற்றும் ஐஎஸ் பயங்கரவாதிகள் அரசுக்கு எதிராக ஆயுதம் ஏந்தி போராடி வருகின்றனர். ஐஎஸ் அமைப்புக்கு உலகம் முழுவதும் இருந்து ஆட்கள் சேர்க்கப்பட்டு வருகின்றனர். இதற்காக, இளைஞர்களுக்கு மூளைச் சலவை செய்யப்பட்டு வருகிறது. கேரளாவைச் சேர்ந்த அப்துல்லா என்பவர் ஐஎஸ்  பயங்கரவாத கொள்கையில் ஈர்க்கப்பட்டு அந்த அமைப்புக்கு ஆதரவாக, ஆட்களை சேர்த்து வந்தார். பொறியியல் பட்டதாரியான இவர், காசர்கோடு பகுதியை சேர்ந்தவர். ஐஎஸ் அமைப்பின் கேரள பிரிவு தலைவராகவும் செயல்பட்டு வந்தார். 

இந்நிலையில், கேரளாவைச் சேர்ந்த 21 ஐஎஸ் பயங்கரவாதிகளுடன், கடந்த 2016 ஆண்டு ஆப்கானிஸ்தானுக்குச் சென்றார். கேரளாவில் இருந்து துபாய் சென்ற அவர், அங்கிருந்து டெஹ்ரான் வழியாக ஆப்கானுக்குச் சென்றுள்ளார். அப்துல்லாவின் மனைவி ஆயிஷாவும் உடன் சென்றுள்ளார்.

சமூக வலைத்தளங்களில் பரபரப்பாகச் செயல்பட்டு வந்தவர் இவர். ஐஎஸ் அமைப்புக்கு ஆதரவாக தீவிரமாகப் பதிவிட்டு வந்தார். கடந்த இரண்டு மாதங்களாக அவரது பக்கத்தில் எதுவும் பதிவிடப்படவில்லை. இதையடுத்து அவருக்கு என்ன ஆனது சிலர் கேள்வி எழுப்பினர். இதையடுத்தே அவர் உயிரிழந்துவிட்டது தெரியவந்துள்ளது.

ஐஎஸ். அமைப்பை சேர்ந்த ஒருவர், ’’ஆப்கானில் அமெரிக்க படைகளின் குண்டு வீச்சில், அப்துல்லா உயிரிழந்து விட்டார். அவரோடு மூன்று இந்திய சகோதரர்கள், இரண்டு பெண்கள் மற்றும் நான்கு குழந்தைகளும் கொல்லப்பட்டனர்’’ என்று தெரிவித்துள்ளார்.  இருந்தாலும் இவர்களது உயிரிழப்பை இந்திய பாதுகாப்பு அமைப்பினர் உறுதிப்படுத்தவில்லை. 

Advertisement:
Advertisement:
Advertisement:
[X] Close