[X] Close
JUST IN
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS சென்னையில் லாரி மூலம் விநியோகிக்கப்படும் மெட்ரோ நீரின் விலை அதிகரிப்பு
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு
  • BREAKING-NEWS அரசு அறிவிக்கும் சிறப்பு விடுமுறை தனியார் நிறுவனங்களுக்கு பொருந்தாது: உயர்நீதிமன்றம்
  • BREAKING-NEWS எல்லையில் பங்களாதேஷ் பாதுகாப்புப் படையினர் துப்பாக்கிச்சூடு: பிஎஸ்எஃப் வீரர் ஒருவர் உயிரிழப்பு

ஜப்பானில் மர்ம நபர் தாக்கி 2 பேர் பலி: பள்ளிக்குழந்தைகள் உட்பட 19 பேர் படுகாயம்!

girl-killed-at-least-15-school-children-hurt-in-japan-stabbing-spree

ஜப்பானில் மர்ம நபர் ஒருவர் வெறிகொண்டு கூட்டத்தில் கத்தியால் பலரை தாக்கியதில் 2 பேர் உயிரிழந்தனர். பள்ளிக்குழந்தைகள் உட்பட 19 பேர் படுகாயம் அடைந்தனர்.

ஜப்பானின், கவாசாகி நகரின் நோபோரிடோ பகுதியில் உள்ள ரயில்வே ஸ்டேஷன் அருகே, சுமார் 50 வயது மதிக்கத்தக்க நபர் ஒருவர் கையில் கத்தியுடன் நின்று கொண்டிருந்தார். அருகில் பேருந்து நிறுத்தம். உள்ளூர் நேரப்படி இன்று காலை வேலைக்குச் செல்பவர்கள், பள்ளிக்குச் செல்பவர்கள், என அந்த சாலை பரபரப்பாக இருந்தது. அப்போது பள்ளி பேருந்துக்காக, ஏராளமான குழந்தைகள் அங்கு காத்திருந்தனர். அவர்கள் அனைவரும் ஆறு அல்லது ஏழு வயது குழந்தைகள் எனக் கூறப்படுகிறது.

அப்போது அந்த மர்ம நபர் திடீரென்று தான் வைத்திருந்த கத்தியால் அங்கு சென்றுகொண்டிருந்தவர்களை சரமாரியாக குத்தத் தொடங்கினான். இதனால் அந்தப் பகுதியில் இருந்தவர்கள் அலறி அடித்து ஓடினர். அந்த மர்ம நபர் குழந்தைகளையும் விடவிவில்லை. அந்த பச்சிளங்குழந்தை கள் மீதும் கத்தியால் குத்தினான். இதையடுத்து போலீசார் அங்கு விரைந்து வந்தனர். படுகாயமடைந்தவர்களை மீட்டு மருத்துவமனைக்கு அனுப்பி வைத்தனர். அவர்களுக்கு அங்கு தீவிர சிகிச்சை அளிக்கப்பட்டு வருகிறது. 

இதற்கிடையே அந்த மர்ம நபரை போலீசார் மடக்கிப் பிடித்தனர். அவர் தன்னைத்தானே கழுத்தில் குத்தி சாய்ந்து விழுந்தார். அவரும் கத்திக் குத்தில் காயமடைந்த இளம் பெண் ஒருவரும் உயிரிழந்துவிட்டதாக போலீசார் தெரிவித்துள்ளனர். சம்பவம் நடந்த இடத்தில் இருந்து இரண்டு கத்திகள் கைப்பற்றப்பட்டுள்ளதாகவும் அவர்கள் தெரிவித்துள்ளனர். 

இந்த சம்பவம் அந்தப் பகுதியில் பரபரப்பை ஏற்படுத்தியுள்ளது. விசாரணை நடந்து வருகிறது. 

Advertisement:
இது தொடர்பான செய்திகள் :
Advertisement:
Advertisement:
[X] Close