[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

ஓரின ஈர்ப்பாளர்களின் திருமணத்துக்கு தைவான் அனுமதி: விரைவில் சட்டம்!

taiwan-legalizes-same-sex-marriage-in-historic-first-for-asia

ஓரின ஈர்ப்பாளர்களின் திருமணத்துக்கு தைவான் நாட்டு நாடாளுமன்றம் ஒப்புதல் வழங்கியுள்ளது. விரைவில் சட்ட அந்தஸ்து வழங்கப்படும் என எதிர்ப்பார்க்கப்படுகிறது

ஆஸ்திரேலியா, நியூசிலாந்து, சில ஐரோப்பிய நாடுகளில் ஓரின ஈர்ப்பாளர்கள் திருமணம் செய்துகொள்வது சட்ட ரீதியாக ஏற்றுக்கொள்ளப்படுகிறது. அதைப்போல் தங்களுக்கும் சட்ட அந்தஸ்து வழங்க வேண்டுமென தைவான் நாட்டின் ஓரின ஈர்ப்பாளர்கள் சில ஆண்டுகளாக கோரிக்கை விடுத்து வந்தனர். இது குறித்து கடந்த 2017ம் ஆண்டு உத்தரவிட்ட தைவான் நாட்டு அரசியல் சாசன நீதிமன்றம், ஓரின ஈர்ப்பாளர்கள் திருமணம் தொடர்பான சட்ட திருத்தத்தை இரண்டு ஆண்டுகளில் நிறைவேற்ற வேண்டுமென கூறியது.  

இது தொடர்பாக மக்களிடம் கருத்துக்கேட்கப்பட்டது. அதில் பெரும்பாலான மக்கள் ஓரின ஈர்ப்பாளர்களின் திருமணத்துக்கு எதிராகவே கருத்து தெரிவித்தனர். ஆனால் அரசியல் சாசன நீதிமன்றத்தின் உத்தரவுக்கு கட்டுப்பட்டு ஓரின ஈர்ப்பாளர்களின் திருமணம் தொடர்பாக தைவான் நாடாளுமன்றத்தில் மசோதா கொண்டு வரப்பட்டது. 

மசோதா மீதான வாக்கெடுப்பில் ஓரின ஈர்ப்பாளர்களின் திருமணத்துக்கு ஆதரவாக உறுப்பினர்களின் ஆதரவு அதிகமாக இருந்ததால் ஓரின ஈர்ப்பாளர்களின் திருமணத்துக்கு தைவான் நாட்டு நாடாளுமன்றம் ஒப்புதல் வழங்கியுள்ளது. இதனையடுத்து விரைவில் சட்ட அந்தஸ்து வழங்கப்படும் என எதிர்ப்பார்க்கப்படுகிறது.

ஓரின ஈர்ப்பாளர்களின் திருமணத்துக்கு தைவான் நாட்டு நாடாளுமன்றம் ஒப்புதல் வழங்கியதற்கு அந்நாட்டு ஓரின ஈர்ப்பாளர்கள் வரவேற்பு தெரிவித்துள்ளனர். தங்களது திருமணம் சட்ட ரீதியாக ஏற்றுக்கொள்ளப்படுவது மகிழ்ச்சியான ஒன்று என அவர்கள் கருத்து தெரிவித்துள்ளனர்.

ஆசிய நாடுகளிலேயே ஓரின சேர்க்கையாளர்களின் திருமணத்துக்கு சட்ட அந்தஸ்து வழங்கப்போகும் முதல் நாடு தைவான் என்பது குறிப்பிடத்தக்கது.

Advertisement:
Advertisement:
Advertisement:
[X] Close