[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

''என் சிறு வயது கனவு இது'' - விமானம் தயாரித்து வானில் பறந்த பாப்கார்ன் வியாபாரி!

pakistani-popcorn-seller-who-built-his-own-plane

பாகிஸ்தானைச் சேர்ந்த பாப்கார்ன் வியாபாரி ஒருவர் சொந்தமாக விமானத்தை வடிவமைத்து அசத்தியுள்ளார்.

பாகிஸ்தானின் பஞ்சாப் மாநிலத்தில் உள்ள அரிஃப்வாலா கிராமத்தைச் சேர்ந்தவர் முகமது பயாஸ். இவரது கனவு, சொந்தமாக விமானம் தயாரிக்க வேண்டும் என்பது. பகலில் பாப்கார்ன் வியாபாரி, இரவு நேரத்தில் செக்யூரிட்டி என முகமது பயாஸ் உழைத்து பணம் சேர்த்து அவரது கனவை நினைவாக்கியுள்ளார்.

தற்போது 32 வயதான முகமதுவுக்கு சிறிய வயதில் விமானப்படையில் வேலையில் சேர வேண்டுமென்பது ஆசை. ஆனால் சூழ்நிலை அவருக்கு கைகொடுக்கவில்லை. முகமது பள்ளி படிக்கும் காலத்திலேயே அவரது தந்தை இறந்துபோக பள்ளிப்படிப்பை நிறுத்திவிட்டார். கிடைக்கும் வேலைக்கு சென்று தனது அம்மாவுக்கும், 5 உடன்பிறந்தவர்களுக்கும் உதவியாக இருந்துள்ளார்.

வருடங்கள் ஓடினாலும் தனக்குள் உள்ள கனவை மட்டும் அவர் கலைக்கவே இல்லை. விமானப்படையில் சேர வேண்டும்  என்பதையும் தாண்டி சொந்தமாகவே விமானம் தயாரிக்க திட்டமிட்டார் முகமது. தனக்கு சொந்தமான நிலத்தை விற்றார், ரூ.50 ஆயிரம் வங்கிக்கடன் பெற்றார். தான் சேமித்த வைத்த பணத்தையும் சேர்த்து சொந்தமாக ரூ.1 லட்சத்தில் விமானம் ஒன்றை தயாரித்துவிட்டார் முகமது.

ரோடு வெட்டும் இயந்திரத்தில் இருந்து எஞ்சின், ஆட்டோவின் டயர்கள் என கிடைக்கும் பொருட்களை வைத்துக்கொண்டு இணையத்தில் தகவல்களை சேகரித்து இந்த விமானத்தை தயாரித்ததாக முகமது தெரிவிக்கிறார். மேலும் விமானத்தில் ''நான் பறக்கும் போது வேறு எதுவுமே என் மனதில் ஓடாது'' என்று நெகிழ்ச்சியாக தெரிவிக்கிறார்.

போலீசாரின் அனுமதி இல்லாமல் விமானத்தில் பறந்து சோதனை செய்ததால் முகமதுவை கைது செய்த போலீசார் ரூ.3000 அபராதமும் விதித்தனர். தற்போது விமானத்துறையிடன் உரிய அனுமதி கேட்டு விண்ணப்பித்துள்ளார் முகமது. மேலும் தன்னுடைய அடுத்தக்கட்ட முயற்சிகளுக்கு அரசு தொழில்நுட்ப உதவிகள் வழங்க வேண்டுமென்றும் கோரிக்கை விடுத்துள்ளார்.


 

Advertisement:
Advertisement:
Advertisement:
[X] Close