[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

அதிபர் சிறிசேனவின் கோரிக்கையை ஏற்று இலங்கை பாதுகாப்புச் செயலர் ராஜினாமா

sri-lanka-s-defence-secretary-quits-following-suicide-bomb-attacks

அதிபர் சிறிசேன அறிவுறுத்தலைத் தொடர்ந்து, இலங்கை தொடர் குண்டுவெடிப்பு சம்பவங்களுக்கு பொறுப்பேற்று அந்நாட்டு பாதுகாப்புச் செயலர் ஹேமசிறி பெர்னாண்டோ தன்னுடைய பதவியை ராஜினாமா செய்துள்ளார்.

ஈஸ்டர் பண்டிகை நாளான கடந்த ஞாயிற்றுக்கிழமை, இலங்கையின் பல்வேறு இடங்களில் அடுத்தடுத்து குண்டுகள் வெடித்தன. தேவாலயங்கள் மற்றும் நட்சத்திர விடுதிகளில் இந்தக் குண்டுவெடிப்பு தாக்குதல்கள் நடத்தப்பட்டன. இந்தத் தொடர் குண்டுவெடிப்பு சம்பவங்களில் 350-க்கும் மேற்பட்டோர் இதுவரை உயிரிழந்துள்ளனர்.  

குண்டுவெடிப்பு தாக்குதல் தொடர்பாக 10 நாட்களுக்கு முன்பே தகவல்கள் கிடைத்தும் தெரியவந்துள்ளது. இந்தியாவும் தாக்குதல் குறித்து எச்சரித்ததாக இலங்கை பிரதமர் நேற்று கூறியிருந்தார். ஆனால், தகவல்கள் கிடைத்தும் பாதுகாப்பு நடவடிக்கைகளை எடுக்காதது குறித்து இலங்கை மக்கள் மத்தியில் அதிருப்தி நிலவி வருகிறது. அதனால்தான், குண்டுவெடிப்பை தடுக்க தவறியதற்காக இலங்கை அரசு மக்களிடம் மன்னிப்பு கேட்டுக் கொண்டது.

                 

இதனையடுத்து, இலங்கை ராணுவ செயலர், காவல்துறைத் தலைவர் ஆகியோரை ராஜினாமா செய்ய அந்நாட்டு அதிபர் மைத்ரிபால சிறிசேன வலியுறுத்தினார். குண்டுவெடிப்பு தாக்குதலை முறியடிக்க தவறியதை அடுத்து அவர் இந்த நடவடிக்கையை வலியுறுத்தலை முன் வைத்தார். மேலும், உளவுத்துறை பிரிவினரிடமிருந்து குண்டுவெடிப்பு தொடர்பாக தகவல் கிடைத்தும் அதனைத் தம்மிடம் தெரிவிக்கவில்லை என்றும் அவர் தெரிவித்தார். 

                       

இந்நிலையில், அதிபர் சிறிசேன அறிவுறுத்தலைத் தொடர்ந்து பாதுகாப்பு செயலர் ஹேமசிறி பெர்னாண்டோ தன்னுடைய பதவியை ராஜினாமா செய்துள்ளார். தனது ராஜினாமா கடிதத்தை அதிபர் சிறிசேனவுக்கு ஹேமசிறி பெர்னாண்டோ அனுப்பி வைத்தார். குண்டுவெடிப்பு தாக்குதல் சம்பவத்திற்கு பொறுப்பேற்று ராஜினாமா செய்வதாக அவர் தெரிவித்துள்ளார். தன்னுடைய தரப்பில் தவறு எதுவும் நடக்கவில்லை என்றபோதும், சில துறை ரீதியான தவறுகளுக்காக பொறுப்பேற்றுக் கொள்வதாக அவர் கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close