[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

இலங்கை குண்டுவெடிப்பில் 36 வெளிநாட்டினர் உயிரிழப்பு

36-foreign-nationals-have-died-in-srilanka-bomb-attack

இலங்கையில் நடைபெற்ற தொடர் குண்டுவெடிப்பு சம்பவத்தில் 36 வெளிநாட்டினர் உயிரிழந்துள்ளனர்.

இலங்கையின் கொழும்புவில் இன்று கிறிஸ்துவ தேவாலயங்கள் மற்றும் நட்சத்திர விடுதிகள் உட்பட 8 இடங்களில் குண்டு வெடிப்பு சம்பவம் நடந்தது. இந்த தாக்குதலில் 207 பேர் உயிரிழந்துள்ளனர். அத்துடன் 450க்கு மேற்பட்டோர் காயம் அடைந்துள்ளனர். இந்தத் தாக்குதலில் மூன்று இலங்கை காவல்துறை அதிகாரிகளும் உயிரிழந்துள்ளனர்.

இந்த தாக்குதலுக்கு பல உலக நாடுகளின் தலைவர்கள் பலரும் கண்டனம் தெரிவித்துள்ளனர். அதேபோல இலங்கையிலுள்ள இரண்டு இஸ்லாமிய அமைப்புகளும் இச்சம்பவத்திற்கு கடும் கண்டனத்தை பதிவு செய்துள்ளனர். இந்த குண்டுவெடிப்பு சம்பவத்தில் தேவாலயங்களில் வழிபாட்டில் இருந்த 75 பேர் உயிரிழந்தனர். அதேபோல், நட்சத்திர விடுதிகளில் தங்கியிருந்த 36 வெளிநாட்டினர்  உயிரிழந்ததாக தகவல்கள் வெளியாகியுள்ளன. இவற்றில் 3 பேர் இந்தியாவையும், 5 பேர் பிரிட்டனையும், ஒருவர் போர்சுகலையும் சேர்ந்தவர்கள் எனத் தெரியவந்துள்ளது. அத்துடன் தாக்குதலில் சில அமெரிக்கர்களும் மற்றும் சீனர்களும் உயிரிழந்துள்ளதாக தகவல்கள் வெளியாகியுள்ளன.

இந்த கோர சம்பவம் குறித்து விசாரிக்க சிறப்பு புலனாய்வு அமைப்பு அமைக்கப்படவுள்ளதாக தகவல் தெரியவந்துள்ளது. இதுகுறித்த ஆணையை அதிபர் சிறிசேன இன்னும் 24 மணி நேரத்திற்குள் அறிவிப்பார் எனத் தெரியவந்துள்ளது. முன்னதாக இலங்கையில் சமூகவலைத்தளங்கள் மற்றும் தொலைத்தொடர்புத்துறை ஆகியவை துண்டிக்கப்பட்டது. அத்துடன் இச்சம்பவம் தொடர்பாக 8 பேர் கைது செய்யப்பட்டு விசாரிக்கப்பட்டு வருகின்றனர்.
 

Advertisement:
இது தொடர்பான செய்திகள் :
Advertisement:
Advertisement:
[X] Close