[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

வரலாற்று சிறப்புமிக்க பிரான்ஸ் தேவாலயத்தில் பயங்கர தீ!

notre-dame-main-structure-saved-macron-vows-to-heal-heart-of-paris

பாரிசில் உள்ள வரலாற்றுச் சிறப்புமிக்க நோட்ரே டேம் தேவாலயத்தில் பயங்கர தீவிபத்து ஏற்பட்டது. இதில் தேவாலயத்தின் மேற்கூரை எரிந்து முற்றிலும் சாம்பலானது.

பிரான்ஸ் தலைநகர், பாரிஸில் உள்ளது, நோட்ரே டேம் தேவாலயம். 850 வருட பழமையான இந்த தேவாலயம் பாரம்பரியாகச் சின்னமாக திகழ்கிறது. வருடம் தோறும் லட்சக்கணக்கான சுற்றுலாப் பயணிகள் இந்த தேவாலயத்தை பார்த்துச் செல்கிறார்கள்.

ஐரோப்பிய கட்டிட கலைக்கு சிறந்த எடுக்காட்டாக விளங்கும் இத்தேவாலயம் 69 மீட்டர் உயரமுள்ள இரண்டு கோபுரங்களை கொண்டுள்ளது. 13 ஆம் நூற்றாண்டில் கட்டப்பட்ட இந்த தேவாலயத்தில், புனரமைப்புப் பணிகள் நடைபெற்று வந்தது. இந்நிலையில், உள்ளூர் நேரப்படி மாலை 6 மணிக்கு திடீரென தீ விபத்து ஏற்பட்டது. இதில் தேவாலயத்தின் மேற்கூரைப் பற்றி எரிய ஆரம்பித்தது. கொஞ்சம் கொஞ்சமாக பரவிய தீ, தேவாலயம் முழுவதும் பற்றியது. இதில் தேவாலயத்தின் ஒரு பகுதி இடிந்து விழுந்தது.

இதையடுத்து அக்கம் பக்கத்தில் வசிப்பவர்கள் பத்திரமாக வேறு இடத்துக்கு அப்புறப்படுத்தப் பட்டனர். சுமார் 400 தீயணைப்பு வீரர்கள் பல மணி நேரம் தீயை அணைக்க போராடினர். கடும் போராட்டத்துக்குப் பிறகு தீ கட்டுக்குள் கொண்டுவரப்பட்டதாக தீயணைப்பு துறை அதிகாரி ஜீன்-கிளாட் காலெட் தெரிவித்துள்ளார்.

பழமையான தேவாலயம் தீக்கிரையானது அந்நாட்டு மக்கள் மத்தியில் சோகத்தை ஏற்படுத்தியுள்ளது. இந்த தீ விபத்துக்கான காரணம் உடனடி யாகத் தெரியவில்லை. 

இந்த விபத்து குறித்து விரிவான விசாரணை நடத்தப்படும் என பிரான்ஸ் அதிபர் இமானுவேல் மேக்ரான் தெரிவித்துள்ளார். அமெரிக்க அதிபர் டொனால்ட் ட்ரம்ப் உள்ளிட்ட பல தலைவர்கள் தீ விபத்துக்கு வருத்தம் தெரிவித்துள்ளனர்.

Advertisement:
Advertisement:
Advertisement:
[X] Close