[X] Close
JUST IN
  • BREAKING-NEWS இலங்கை அரசால் தேடப்பட்டு வந்த மதகுரு ஹஸிம் ஓட்டலில் நடந்த குண்டுவெடிப்பில் உயிரிழந்தார் - இலங்கை அதிபர் மைத்திரிபால சிறிசேன
  • BREAKING-NEWS ஜெயலலிதா மரணம் குறித்து ஓய்வு பெற்ற நீதிபதி ஆறுமுகசாமி விசாரணை ஆணையத்திற்கு உச்சநீதிமன்றம் இடைக்காலத் தடை - அப்போலோ மருத்துவமனை நிர்வாகம் தொடர்ந்த மேல்முறையீட்டு வழக்கில் உத்தரவு
  • BREAKING-NEWS வங்கக்கடலில் காற்றழுத்த தாழ்வு பகுதி காற்றழுத்த தாழ்வுமண்டலமாக வலுப்பெற்றது - கிழக்கு இந்திய பெருங்கடல்- தென்கிழக்கு வங்கக்கடல் பகுதியில் காற்றழுத்த தாழ்வு மண்டலம் நிலவுகிறது
  • BREAKING-NEWS சிலை கடத்தல் தடுப்புப்பிரிவு சிறப்பு அதிகாரியாக பொன்.மாணிக்கவேல் நியமிக்கப்பட்டதற்கு எதிராக காவல்துறை அதிகாரிகள் 66 பேர் தொடர்ந்த வழக்கை தள்ளுபடி செய்தது உச்சநீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ. 75.79 காசுகளாகவும், டீசல் லிட்டருக்கு ரூ. 70.34 காசுகளாகவும் விலை நிர்ணயம் செய்யப்பட்டுள்ளன நேற்றைய விலையில் இருந்து பெட்ரோல் விலையில் மாற்றமின்றி, டீசல் விலை 8 காசுகள் அதிகரித்து விற்பனை
  • BREAKING-NEWS சென்னை எம்ஜிஆர் சென்ட்ரல் ரயில் நிலையம், எழும்பூர் ரயில் நிலையத்தில் வெடிகுண்டு நிபுணர்கள் சோதனை- பயணிகள் மற்றும் அவர்களது உடைமைகளும் தீவிர சோதனை

பாகிஸ்தானில் இந்து சிறுமிகள் கட்டாய மதமாற்றம் - விசாரணைக்கு பிரதமர் இம்ரான் உத்தரவு

imran-orders-probe-into-forced-conversion-and-marriages-of-two-teenage-hindu-girls-in-pakistan

பாகிஸ்தானில் ஹோலி பண்டிகையின் போது, இந்து சிறுமிகள் இருவர் கடத்தப்பட்டு கட்டாய மதமாற்றம் செய்யப்பட்டதாக வெளியான தகவல் குறித்து விசாரிக்க அந்நாட்டு பிரதமர் இம்ரான் கான் உத்தரவிட்டுள்ளார். 

சிந்து மாகாணத்தில் உள்ள கோட்கி மாவட்டத்தைச் சேர்ந்த ரவீனா(13), ரீனா(15) ஆகிய இரண்டு சிறுமிகள் ஒரு குழுவினரால் கடத்தப்பட்டனர். பின்னர், அவர்கள் கட்டாயப்படுத்தப்பட்டு மதமாற்றம் செய்யப்பட்டதாக கூறப்படுகிறது. பின்னர், இந்த சம்பவம் தொடர்பாக இரண்டு வீடியோக்கள் தனித்தனியாக வெளியானது. அதில் ஒரு வீடியோவில் தங்கள் விருப்பத்தின் பேரிலேயே இஸ்லாம் மதத்திற்கு மாறியதாக கூறினர். சிறுமிகள் மதமாற்றம் செய்யப்பட்டது தொடர்பான வீடியோ வைரலானது. சிறுமிகளின் குடும்பத்தினர் காவல் நிலையத்தில் புகார் அளித்தனர். 

              

இதனையடுத்து, சிறுமிகள் மதமாற்றம் செய்யப்பட்டது குறித்து வெளியுறவுத்துறை சுஷ்மா சுவராஜ் கவலை தெரிவித்துள்ளார். அதேபோல், இந்த விவகாரம் குறித்து விசாரிக்குமாறு பாகிஸ்தானில் உள்ள இந்திய உயர் ஆணையத்திடம் அவர் கேட்டுக் கொண்டுள்ளார். இது தங்கள் உள்நாட்டு விவகாரம் என்று தெரிவித்த பாகிஸ்தான் அமைச்சருக்கும் அவர் ட்விட்டரிலேயே பதிலடி கொடுத்தார்.

            

இந்நிலையில், சிறுமிகள் கட்டாய மதமாற்றம் செய்யப்பட்டதாக வெளியான தகவல் குறித்து விசாரணை நடத்த உத்தரவிட்டுள்ளதாக பாகிஸ்தான் பிரதமர் இம்ரான் கான் தெரிவித்துள்ளார். பிரதமர் இம்ரான் கான் சிந்து மாகாண முதலமைச்சரிடம் இந்த விவகாரம் குறித்து விசாரிக்குமாறு கேட்டுக் கொண்டதாக அந்நாட்டு தகவல் தொடர்பு அமைச்சர் சவுத்திரி தெரிவித்துள்ளார்.  

Advertisement:
இது தொடர்பான செய்திகள் :
Advertisement:
Advertisement:
[X] Close