[X] Close
JUST IN
  • BREAKING-NEWS தேர்தல் ஆணைய கூட்டங்களில் பங்கு பெறும் ஆணையர்களின் அனைத்து கருத்துகளும் பதிவு செய்யப்படும் - அசோக் லவாசாவின் எதிர் கருத்துகள் பதிவு செய்யப்படவில்லை என்ற சர்ச்சையை அடுத்து இன்று நடந்த தேர்தல் ஆணைய கூட்டத்தில் முடிவு
  • BREAKING-NEWS பொள்ளாச்சி விவகாரம்: சிபிஐ விசாரணை மூலம் விரைவில் உண்மை வெளியே வரும் என்ற நம்பிக்கை உள்ளது- சிபிஐ முன் ஆஜரான பின் நக்கீரன் ஆசிரியர் கோபால் பேட்டி
  • BREAKING-NEWS தூத்துக்குடி துப்பாக்கிச்சூட்டில் உயிரிழந்த 13 பேருக்கு நினைவுச்சின்னம் அமைக்க வேண்டும்- டிடிவி தினகரன் அறிக்கை
  • BREAKING-NEWS தமிழகத்தில் மே 23ம் தேதி வாக்கு எண்ணும் மையங்களில் கூடுதல் பாதுகாப்பு அளிக்க வேண்டும் - தலைமை தேர்தல் அதிகாரி சத்யபிரதா சாஹூவிடம் திமுக சார்பில் மனு
  • BREAKING-NEWS ராசிபுரம் குழந்தைகள் விற்பனை வழக்கில் கைதான அமுதா உள்பட 7 பேர் மீண்டும் ஜாமீன் கேட்டு மனு
  • BREAKING-NEWS அரவக்குறிச்சி இடைத்தேர்தலில் பதிவான வாக்குகளை 17 சுற்றுகளுக்குப் பதிலாக 32 சுற்றுகளாக எண்ண முடிவு
  • BREAKING-NEWS சென்னையில் பெட்ரோல் லிட்டருக்கு ரூ. 73.87 காசுகளாகவும், டீசல் லிட்டருக்கு ரூ. 69.97 காசுகளாகவும் விலை நிர்ணயம்

மசூத் அசார் சொத்துக்களை முடக்கியது பிரான்ஸ்

france-sanctions-jem-founder-masood-azhar-freezes-his-assets

பிரான்ஸ் நாட்டில் உள்ள மசூத் அசாருக்கு சொந்தமான சொத்துகளை அந்நாட்டு அரசு தடைசெய்துள்ளது. 

ஐ.நா. பாதுகாப்பு கவுன்சில் கூட்டத்தில் மசூத் அசாரை சர்வதேச பயங்கரவாதியாக அறிவிக்க ஓட்டெடுப்பு நேற்று நடத்தப்பட்டது. இதில் பல நாடுகள் மசூத் அசாரை சர்வதேச பயங்கரவாதி பட்டியலில் சேர்க்க ஒப்புதல் அளிக்கத் தயாராக இருந்தபோதிலும், சீனா மீண்டும் மறுப்பு தெரிவித்தது. இந்த விவகாரத்தில், தனது வீட்டோ அதிகாரம் மூலம் இந்தியாவின் நடவடிக்கைக்கு 4ஆவது முறையாக சீனா முட்டுக்கட்டை போட்டுள்‌ளது. இதனையடுத்து சீனாவின் இந்த நடவடிக்கைக்கு இந்தியா உட்பட பல உலக நாடுகளும் கடும் கண்டனம் தெரிவித்துள்ளன.

           

இந்நிலையில், ஜெய்ஷ்-இ-முகமது பயங்கரவாத அமைப்பின் தலைவரான மசூத் அசாரை பிரான்ஸ் தடைசெய்துள்ளது. அத்துடன் பிரான்சிலுள்ள அசாரின் சொத்துக்களும் முடக்கப்படுள்ளன. இதன்மூலம் மசூத் அசார் மற்றும் அவரது ஆதரவாளர்கள் பிரான்ஸ் நாட்டிற்குள் பயணம் செய்ய முடியாது. அத்துடன் அசார் பிரான்ஸ் நாட்டில் எவ்வித நிதி பரிவர்த்தனையையும் செய்யமுடியாது. இந்த முடிவை பிரான்ஸ் அரசு அதன் அரசிதழில் அரசாணையாக வெளியிட்டுள்ளது. மேலும் ஒரு செய்தி அறிக்கையையும் வெளியிட்டுள்ளது. அதில், “பிரான்ஸ் நாடு மசூத் அசார் விவகாரத்தை மற்ற ஐரோப்பிய நாடுகளிடமும் எழுப்பும். அத்துடன் அசாரை ஐரோப்பிய நாடுகளின் தடை செய்யப்பட்ட நபர்கள் பட்டியலில் சேர்க்க வலியுறுத்தும்” எனத் தெரிவிக்கப்பட்டுள்ளது.

             

முன்னதாக, புல்வாமா பயங்கரவாத தாக்குதலுக்கு பிரான்ஸ் கடும் கண்டனம் தெரிவித்து இருந்தது. அதேபோல், பாகிஸ்தானில் நுழைந்து இந்தியா நடத்திய விமானப்படை தாக்குதலுக்கும் அந்நாடு ஆதரவாக இருந்தது. பயங்கரவாதத்திற்கு எதிரான இந்தியாவின் அனைத்து நடவடிக்கைக்கும் துணை நிற்போம் என்று பிரான்ஸ் தெரிவித்திருந்தது. அந்த வகையில் புல்வாமா தாக்குதலுக்கு ஜெய்ஷ்-இ-முகமது பயங்கரவாத அமைப்பு பொறுப்பேற்றதை சுட்டிக் காட்டியே பிரான்ஸ் அரசு இந்த நடவடிக்கையை மேற்கொண்டுள்ளது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close