[X] Close
JUST IN
  • BREAKING-NEWS நாடாளுமன்ற குளிர்கால கூட்டத்தொடர் நவம்பர் 18ஆம் தேதி தொடங்கவுள்ளதாக தகவல்
  • BREAKING-NEWS என்னைக் கைது செய்தால் கவலைப்படமாட்டேன்; ஆனால் ராஜிவ்காந்தியை ஆதரித்தவர்களை நான் கைது செய்வேன் - சீமான்
  • BREAKING-NEWS கல்கி ஆசிரமத்துக்கு சொந்தமான இடங்களில் நடைபெற்ற சோதனையில் ரூ.20 கோடி பறிமுதல் - வருமானவரித்துறை
  • BREAKING-NEWS திருச்சி லலிதா ஜுவல்லரி நகைக்கொள்ளை வழக்கு: கொள்ளையன் முருகனை 8 நாட்கள் காவலில் வைத்து விசாரிக்க பெங்களூரு குற்றவியல் நீதிமன்றம் அனுமதி
  • BREAKING-NEWS கோவை பாரதியார் பல்கலைக்கழக துணை வேந்தராக பி.காளிராஜை நியமித்தார் ஆளுநர் பன்வாரிலால் புரோஹித்
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு

இந்தோனேஷியாவில் நிலச்சரிவு : தங்க சுரங்கத்தில் 60 பேர் புதைந்தனர்

indonesia-says-one-killed-60-feared-buried-in-illegal-mine-landslide

இந்தோனேஷியாவில் அனுமதியின்றி செயல்பட்டு வந்த தங்க சுரங்கத்தில் ஏற்பட்ட நிலச்சரிவில் 60 பேர் மண்ணில் புதைந்தனர். 

இந்தோனேஷியா வடக்கு சுலவேசி மாகாணத்தில் உள்ள போலாங் மோங்கோண்டோவ் பகுதியில் அனுமதியின்றி தங்க சுரங்கம் ஒன்று செயல்பட்டு வந்துள்ளது. இதில் அப்பகுதியை சேர்ந்த ஏராளமானோர் வேலை பார்த்து வந்துள்ளனர். இந்நிலையில் நேற்று திடீரென தங்கச் சுரங்கத்தில் நிலச்சரிவு ஏற்பட்டுள்ளது. இதில் வேலை பார்த்து கொண்டிருந்த பணியாளர்கள் 60 பேர் மண்ணில் புதைந்தனர்.

இதையடுத்து தகவலறிந்து வந்த மீட்பு படையினரும் அப்பகுதி மக்களும் புதைந்தவர்களை தொடர்ந்து மீட்கும் பணியில் ஈடுபட்டு வருகின்றனர். இதுகுறித்து மீட்பு படையினர் கூறுகையில், நிலச்சரிவில் சிக்கியவர்களை தேடி வருவதாகவும் மீட்கும் பணி தீவிரப்படுத்தப் பட்டுள்ளதாகவும் தெரிவித்தனர். மேலும் காலை 5 மணி நிலவரப்படி ஒருவர் இறந்துள்ளதாகவும் 13 பேர் மீட்கப்பட்டுள்ளதாகவும் தெரிவிக்கப்பட்டுள்ளது.

நிறைய பேர் தங்க சுரங்கத்தில் இருந்தபோது திடீரென விட்டங்கள் முறிந்து விழுந்து நிலச்சரிவு ஏற்பட்டுள்ளது என மீட்புபடையின் செய்தி தொடர்பாளர் ஒருவர் தெரிவித்துள்ளார். 

இந்தோனேஷியா அரசாங்கம் இத்தகைய சிறு அளவிலான தங்க சுரங்கங்களை தடை செய்திருக்கிறது. இருப்பினும் தொலைதூர பகுதிகளில் உள்ள சுரங்கங்களை அதிகாரிகள் பெரும்பாலும் கண்டுகொள்ளாமல் இருப்பதாலேயே இதுப்போன்ற விபத்துகள் அதிகம் ஏற்படுவதாக அப்பகுதி மக்கள் குற்றம்சாட்டுகின்றனர். 

Advertisement:
Advertisement:
Advertisement:
[X] Close