[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

இசை நிகழ்ச்சியில் புகுந்த சுனாமி - வைரலான வீடியோ

another-shocking-video-of-the-tsunami-hitting-the-shores-in-indonesia

இந்தோனேசியாவில் இசை நிகழ்ச்சி ஒன்றில் ஆழிப்பேரலை புகுந்து மக்களை அடித்துச்செல்லும் காட்சி சமூக வலைதளங்களில் பரவி வருகிறது

இந்தோனேசியாவின் ஜாவா மற்றும் சுமத்ரா தீவுகளை இணைக்கும் பகுதிகளாக உள்ள சுந்தா ஜலசந்தியை ஒட்டிய கடற்கரை பகுதிகளில் திடீரென்று சுனாமி தாக்கியது. இங்கு கொந்தளித்துக் கொண்டிருந்த கிரகட்டாவ் எரிமலை வெடிக்கத் துவங்கியுதை அடுத்து, கடலுக்கு அடியில் ஏற்பட்ட நிலநடுக்கம் காரணமாக இந்த சுனாமி ஏற்பட்டதாக கூறப்படுகிறது.

சுனாமி தாக்கியதில் நூற்றுக்கணக்கான வீடுகள், கடைகள், வர்த்தக கட்டடங்கள், ஓட்டல்கள் இடிந்துள்ளன. இந்த சுனாமியால், ஜாவா தீவில் உள்ள பெண்டக்லங்க், செரங், தெற்கு லம்புங் ஆகிய பகுதிகள் கடுமையாக பாதிக்கப்பட்டுள்ளன. வீடுகளை இழந்தவர்கள் பாதுகாப்பான இடங்களில் தங்க வைக்கப்பட்டுள்ளனர். அங்கு மீட்பு பணிகள் தொடர்ந்து நடந்து வருகின்றன. 

இந்நிலையில் இந்த சுனாமியில் சிக்கி உயிரிழந்தோர் எண்ணிக்கை 281ஆக அதிகரித்துள்ளது. மேலும் சுமார் 500க்கும் மேற்பட்டோர் படுகாயம் அடைந்துள்ளதாக பேரிடம் முகமை தகவல் தெரிவித்துள்ளது. பல பேர் மாயமாகி உள்ளதால் பலியானோர் எண்ணிக்கை அதிகரிக்கக்கூடும் என தெரிவிக்கப்பட்டுள்ளது.

இந்நிலையில் இசை நிகழ்ச்சி ஒன்றில் கடல் அலை புகும் காட்சி சமூக வலைதளங்களில் பரவி வருகிறது. அந்தக்காட்சியில் சுனாமி பரபரப்பு இல்லாமல் உற்சாக மிகுதியாக இசை நிகழ்ச்சி நடந்துகொண்டிருக்கிறது. திடீரென இசை நிகழ்ச்சியின் மேடையை உடைத்துக்கொண்டு கடலலை அரங்குக்குள் புகுந்து செல்கிறது. சுனாமி குறித்து எந்த முன்னறிவிப்பும் இல்லாததே இது மாதிரியான சம்பவத்துக்கு காரணமாக அமைந்துள்ளதாக அந்நாட்டு மக்கள் கருத்து தெரிவித்துள்ளனர்.

Advertisement:
Advertisement:
Advertisement:
[X] Close