[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கில் சென்னை மருத்துவ மாணவரின் தந்தை சரவணனின் ஜாமீன் மனுவை தள்ளுபடி செய்தது உயர்நீதிமன்ற கிளை
  • BREAKING-NEWS மேயர் பதவிக்கான தேர்தலை மறைமுகமாக நடத்துவதற்கு அவசரச் சட்டம் கொண்டுவர தமிழக அமைச்சரவைக் கூட்டத்தில் முடிவு என தகவல்
  • BREAKING-NEWS உள்ளாட்சிகளில் உயர்த்தப்பட்ட சொத்துவரியை மறுபரிசீலனை செய்ய நிதித்துறை முதன்மை செயலாளர் தலைமையில் குழு அமைக்கப்பட்டுள்ளது - அமைச்சர் எஸ்.பி.வேலுமணி
  • BREAKING-NEWS சர்க்கரை ரேஷன் அட்டைகளை தகுதியின் அடிப்படையில் அரிசி ரேஷன் அட்டைகளாக மாற்றிக்கொள்ளலாம் - தமிழக அரசு
  • BREAKING-NEWS தூத்துக்குடி மக்களவை தேர்தல் வழக்கு: கனிமொழி தொடர்ந்த மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS ஒடிசாவில் நடிகர் கமல்ஹாசனுக்கு கவுரவ டாக்டர் பட்டம் வழங்கினார் முதல்வர் நவீன் பட்நாயக்
  • BREAKING-NEWS சென்னை ஐஐடி மாணவி பாத்திமா தற்கொலை தொடர்பாக விசாரணை நடத்த மத்திய குற்றப்பிரிவு காவல்துறையினர் கேரளா விரைகின்றனர்

இலங்கை பிரதமராக ரணில் விக்கிரமசிங்க மீண்டும் பதவியேற்பு

ranil-wickremesinghe-sworn-in-as-prime-minister-of-srilanka

இலங்கை பிரதமராக ரணில் விக்கிரமசிங்க மீண்டும் பதவியேற்றுக் கொண்டார்

இலங்கை பிரதமராக இருந்த ரணில் விக்கிரமசிங்கேவை நீக்கிவிட்டு, முன்னாள் அதிபர் மஹிந்தா ராஜபக்சவை பிரதமராக அறிவித்தார் அதிபர் மைத்ரிபால சிறிசேன. ராஜபக்ச பதவியேற்ற நாள் முதல் இலங்கை அரசியலில் தொடர்ந்து பரபரப்பு நிலவி வந்தது. நாடாளுமன்றத்தில் ராஜபக்சவுக்கு பெரும்பான்மை கிடைக்காத நிலை இருந்த போது, நாடாளுமன்றத்தை சிறிசேன அதிரடியாக கலைத்தார்.

இதனிடையே, நாடாளுமன்றத்தை கலைத்த அதிபர் சிறிசேனவின் உத்தரவு சட்டவிரோதமானது என்று இலங்கை உச்சநீதிமன்றம் அதிரடி தீர்ப்பு அளித்தது. அதிபர் சிறிசேன தன்னிச்சையாக எந்த முடிவையும் எடுக்க முடியாது என்று நீதிமன்றம் தெரிவித்தது. இந்நிலையில் இலங்கை பிரதமர் பதவியிலிருந்து மஹிந்த ராஜபக்ச ராஜினாமா செய்ய முடிவு செய்திருப்பதாக அவரது மகன் நமல் ராஜபக்ச ட்விட்டரில் தெரிவித்தார். அதன்படி நேற்று தனது பதவியை ராஜினாமா செய்தார் ராஜபக்ச. அவரின் ராஜினாமாவுக்கு பிறகு மீண்டும் இலங்கை பிரதமராக ரணிலே பதவியேற்பார் என்று தகவல்கள் வெளியாகின.

இலங்கை பிரதமராக ரணில் விக்கிரமசிங்கேவை நியமிக்க அதிபர் சிறிசேன ஒப்புக்கொண்டதாக தகவல்கள் வெளியாகின. இந்நிலையில் இன்று காலை இலங்கை பிரதமராக ரணில் விக்கிரமசிங்க மீண்டும் பதவியேற்றுக் கொண்டார். ரணில் விக்கிரமசிங்கவுக்கு இலங்கை அதிபர் மைத்ரிபால சிறிசேன பதவிப்பிரமாணம் செய்து வைத்தார். 

பிரதமர் ரணில் தலைமையில் நாளை  புதிய அமைச்சரவை பதவியேற்கும் என்றும் உறுதிப்படுத்தப்படாத தகவல்கள் வெளியாகியுள்ளன.

Advertisement:
Advertisement:
Advertisement:
[X] Close