[X] Close
JUST IN
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்
  • BREAKING-NEWS அடுத்த 2 நாட்களுக்கு திருவள்ளூர், வேலூர், தி.மலை, சென்னை, காஞ்சிபுரம், கடலூர், விழுப்புரம், திருச்சி உள்ளிட்ட இடங்களில் வெப்ப அலை வீச வாய்ப்பு- வானிலை ஆய்வு மையம்

அமெரிக்காவில் நடுவானில் பாலியல் தொல்லை: தமிழக இளைஞருக்கு 9 வருட சிறை!

tamil-techie-sentenced-to-9-years-in-prison-for-sexual-assault-inside-plane

நடுவானில், விமானத்தில் தூங்கிக்கொண்டிருந்த பெண்ணுக்கு பாலியல் தொல்லைக் கொடுத்த தமிழக இளைஞருக்கு அமெரிக்க நீதிமன்றம் 9 வருட சிறை தண்டனை விதித்து தீர்ப்பு கூறியுள்ளது.

தமிழகத்தைச் சேர்ந்தவர் பிரபு ராமமூர்த்தி. வயது 35. இவர் கடந்த 2015 ஆண்டு முதல் அமெரிக்காவில் வசித்துவருகிறார். இவர், கடந்த ஜனவரி 3 ஆம் தேதி லாஸ் வேகாஸில் இருந்து டெட்ராய்ட் நகருக்கு ஸ்பிரிட் என்ற தனியார் விமானத்தில் சென்றுகொண்டிருந்தார்.  அருகில் அவர் மனைவி இருந்தார். மறுபுறம் இன்னொரு இளம் பெண் இருந்தார். இரவு நேரம் என்பதால் பக்கத்தில் இருந்த பெண் தூங்கிவிட்டார்.

திடீரென்று அவர் உடலில் ஏதோ ஊர்வது போல இருந்தது. கண் விழித்து பார்த்தால், அவரது ஆடை அலங்கோலமாக இருந்தது. ராமமூர்த்தி அவருக்கு பாலியல் தொல்லைக் கொடுத்துக்கொண்டிருந்ததைக் கண்டு அதிர்ச்சி அடைந்தார்.

அலறி கத்திய அந்த இளம் பெண், விமான பணிப்பெண்களிடம் இதுபற்றி புகார் கூறினார். அவர்கள் விமான நிலைய போலீசில் தெரிவித்தனர். பின்னர் ராமமூர்த்தியை கைது செய்து, போலீசார் விசாரித்தனர். இது தொடர்பான வழக்கு டெட்ராய்ட் நீதிமன்றத்தில் நடந்து வந்தது. அவர் பாலியல் தொல்லைக் கொடுத்ததற்கு போதுமான ஆதாரங்கள் கிடைத்ததை அடுத்து தண்டனை உறுதி செய்யப்பட்டது.

இதையடுத்து விசாரணை நீதிமன்ற நீதிபதி டெர்ரன்ஸ் பெர்க் அவருக்கு 9 வருட சிறைத்தண்டனை விதித்து நேற்று தீர்ப்புக் கூறினார். 

சமீப காலமாக, இந்தியர்கள் பலர் வெளிநாடுகளில் பாலியல் தொல்லை காரணமாக தண்டனை அனுபவிப்பது அதிகரித்து வருகிறது. 
 

Advertisement:
Advertisement:
Advertisement:
[X] Close