[X] Close
JUST IN
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி
  • BREAKING-NEWS முன்ஜாமீன் கோரும் ப.சிதம்பரம் மனுவை நீதிபதி அருண் மிஸ்ரா அமர்வுக்கு தலைமை நீதிபதி பரிந்துரைக்க இருப்பதாக தகவல்
  • BREAKING-NEWS புதுச்சேரி அரசின் அன்றாட நடவடிக்கைகளில் கிரண்பேடி தலையிட கூடாது என்ற உத்தரவு தொடரும்; தனி நீதிபதி உத்தரவுக்கு எதிரான மத்திய உள்துறை அமைச்சகத்தின் மேல்முறையீடு வழக்கில் சென்னை உயர்நீதிமன்றம் உத்தரவு
  • BREAKING-NEWS இன்று முதல் தண்ணீர் லாரி உரிமையாளர்கள் தமிழகம் முழுவதும் வேலைநிறுத்தம்
  • BREAKING-NEWS ரியோ பராலிம்பிக் போட்டியில் வெள்ளி வென்ற தீபா மாலிக் உள்ளிட்ட இருவருக்கு கேல் ரத்னா விருது அறிவிப்பு. ரவீந்திர ஜடேஜா உள்ளிட்ட 17 பேர் அர்ஜூனா விருதுக்கு தேர்வு

விஜய் மல்லையா விவகாரம்: இங்கிலாந்து நீதிமன்றம் இன்று தீர்ப்பு

vijay-mallya-extradition-case-westminster-court-to-pass-judgement-on-monday

பண மோசடி புகாரில் சிக்கியுள்ள விஜய் மல்லையாவை இந்தியாவுக்கு நாடு கடத்தக்கோரி இந்தியா அரசின் சார்பில் தாக்கல் செய்யப்பட்ட வழக்கில் இங்கிலாந்து நீதிமன்றம் தீர்ப்பளிக்கவுள்ளது. இதற்காக சிபிஐ மற்றும் அமலாக்கத்துறை அதிகாரிகள் கூட்டுக்குழு ஒன்று இங்கிலாந்து புறப்பட்டுச் சென்றுள்ளது.

இந்தியாவின் சார்பில் பிறப்பிக்கப்பட்ட நாடு கடத்தும் வாரண்ட் தொடர்பாக கடந்த ஆண்டு ஏப்ரல் மாதம் முதல் மல்லையா பிணையில் வெளியில் உள்ளார். தமக்கு எதிரான வழக்கு அரசியல் உள்நோக்கம் கொண்டது என்றும், தாம் திரும்ப செலுத்தவில்லை என கூறப்படும் கடன்கள் தமது விமான நிறுவனம் தொடர்ந்து செயல்படுவதற்காக வாங்கப்பட்டது என்றும் மல்லையா இங்கிலாந்து நீதிமன்றத்தில் வாதிட்டுள்ளார். தாம் தனிப்பட்ட முறையில் ஒரு ரூபாய் கூட கடன் வாங்கவில்லை என்றும் அவர் சமீபத்தில் தமது டிவிட்டர் பக்கத்தில் பதிவிட்டிருந்தார். கடன் தொகையை முழுமையாக திருப்பித் தர தாம் தயாராக இருப்பதாகவும் அவர் தமது டிவிட்டர் பதிவில் கூறியிருந்தார்.

நீதிமன்றத்தில் கடந்த ஆண்டு டிசம்பர் மாதத்தில் தொடங்கிய வழக்கு அதற்காக ஒதுக்கப்பட்ட 7 நாட்களை தாண்டி தொடர்ந்து ஓராண்டாக நடைபெற்று வருகிறது. இந்திய அரசின் வாதங்களை முன்வைத்த இங்கிலாந்து அரசு வழக்கறிஞர் மல்லையாவின் தரப்பில் மோசடி நடைபெற்றதற்கான ஆதாரம் இருப்பதாகவும், அவருக்கு மனிதாபிமான அடிப்படையில் அவர் நாடு கடத்தப்படுவதை தடுக்க எந்த முகாந்திரமுமில்லை என்றும் வாதிட்டார்.

இந்தியாவில் சிறைகள் மோசமாக இருப்பதாக முன்வைக்கப்பட்ட வாதத்தை நீதிபதி நிராகரித்திருந்தார். நீதிபதி வழங்கும் தீர்ப்பை எதிர்த்து மேல்முறையீடு செய்ய இருதரப்புக்கும் பதினான்கு நாட்கள் அவகாசம் வழங்கப்படும்.

Advertisement:
இது தொடர்பான செய்திகள் :
Advertisement:
Advertisement:
[X] Close