[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்
  • BREAKING-NEWS காரைக்குடியில் அனுமதியின்றி தேர்தல் அலுவலகம் திறந்த புகாரில், சிவகங்கை மக்களவை தொகுதியில் போட்டியிடும் அமமுக வேட்பாளர் தேர்போகி பாண்டி மீது காரைக்குடி போலீசார் வழக்குப்பதிவு
  • BREAKING-NEWS ஓபிஎஸ் மகன் அதிமுகவிற்காக பல ஆண்டுகளாக உழைத்து வருகிறார்; அதனால் அவரை வேட்பாளராக அறிவித்ததில் எந்த தவறும் இல்லை - அமைச்சர் கே.சி.வீரமணி
  • BREAKING-NEWS நெதர்லாந்து நாட்டின் உட்ரெச் நகரில் மர்ம நபர் ஒருவர் நடத்திய துப்பாக்கிச்சூட்டில் ஏராளமானோர் படுகாயமடைந்துள்ளனர்
  • BREAKING-NEWS நேர்காணலுக்கு கூட வராமல், தான் தேர்தலில் போட்டியிடுவதாக சி.கே.குமரவேல் அறிவித்தது கட்சி கட்டுப்பாடுகளுக்கு முரணான செயல் - ஜனநாயக முறைப்படி நடைபெற்ற வேட்பாளர் தேர்வுமுறைக்கு எதிராக செயல்பட்டதால் மக்கள் நீதி மய்யம் கட்சித் தலைமை அவரின் ராஜினாமாவை ஏற்றுக்கொள்கிறது
  • BREAKING-NEWS கோடநாடு கொலை, கொள்ளை வழக்கில் சயான், மனோஜ் உட்பட 10பேரை மார்ச் 27ல் மீண்டும் ஆஜர்படுத்த காவல்துறைக்கு உதகை நீதிமன்றம் உத்தரவு
  • BREAKING-NEWS சென்னையில் பெட்ரோல் லிட்டருக்கு ரூ. 75.52 காசுகளாகவும், டீசல் லிட்டருக்கு ரூ. 70.87 காசுகளாகவும் விலை நிர்ணயம்

“ரணிலுக்கு பிரதமர் பதவி கிடையாது” - சிறிசேன திட்டவட்டம்

i-will-not-make-ranil-wickremesinghe-as-prime-minister-says-sirisena

இலங்கையில் ரணில் விக்கிரமசிங்கவுக்கு பிரதமர் பதவி கிடையாது என அந்நாட்டு அதிபர் சிறிசேன மீண்டும் திட்டவட்டமாக தெரிவித்துள்ளார். 

இலங்கை பிரதமர் ரணில் விக்கிரமசிங்கேவை கடந்த அக்டோபர் மாதம் அதிரடியாக பதவி நீக்கம் செய்த அதிபர் சிறிசேன,  ராஜபக்சவை புதிய பிரதமராக தேர்வு செய்தார். அவரை பிரதமராக நியமிக்க சிறிசேனாவுக்கு அதிகாரம் இல்லை எனவும் தானே பிரதமராக நீடிப்பதாகவும் ரணில் தெரிவித்தார். மேலும் தனக்கு பெரும்பான்மை இருப்பதாகவும் நாடாளுமன்றத்தை கூட்ட வேண்டும் எனவும் அவர் கோரிக்கை விடுத்தார்.

இதையடுத்து, ராஜபட்சவுக்கு பெரும்பான்மை கிடைக்காது என்று தெரிந்த நிலையில், நாடாளுமன்றம் கலைக்கப்படுவதாக சிறிசேனா அதிரடியாக அறிவித்தார். ஆனால், ரணில் தரப்பினர் நீதிமன்றத்தை நாடினர். இலங்கை உச்சநீதிமன்றம், அதிபர் சிறிசேனவின் நாடாளுமன்ற கலைப்பு உத்தரவுக்கு இடைக்கால தடை விதித்து உத்தரவிட்டது.

இதைத்தொடர்ந்து கூட்டப்பட்ட இலங்கை நாடாளுமன்ற குரல் வாக்கெடுப்பில் ராஜபக்ச தரப்பு தோல்வி அடைந்ததாக சபநாயகர் கரு ஜெயசூர்யா அறிவித்தார். ஆனால் அதிபர் சிறிசேன வாக்கெடுப்பை ஏற்க மறுப்பதாக தெரிவித்தார்.

இதனையடுத்து ரணில் விக்கிரமசிங்கவை பிரதமராக நியமிக்க வேண்டும் என்று, ஐக்கிய தேசிய முன்னணி கட்சியினர் தொடர்ந்து வலியுறுத்தி வருகின்றனர். இதனை தொடர்ந்து இலங்கை அதிபர் சிறிசேன நிராகரித்து வருகிறார். இந்நிலையில்  இது குறித்து நேற்று தனது திட்டவட்டமான முடிவை அறிவித்தார். அதில், ''ரணில் விக்கிரமசிங்க மற்றும் சரத் பொன்சேகாவைத் தவிர்த்து வேறு எவருக்கும் பிரதமர் பதவியை வழங்கத் தயார்'' எனத் தெரிவித்துள்ளார்.  இதனால் இலங்கையின் அடுத்த பிரதமர் யார்? என்பதில் தொடர்ந்து குழப்பம் நீடித்து வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close