[X] Close
JUST IN
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்
  • BREAKING-NEWS அடுத்த 2 நாட்களுக்கு திருவள்ளூர், வேலூர், தி.மலை, சென்னை, காஞ்சிபுரம், கடலூர், விழுப்புரம், திருச்சி உள்ளிட்ட இடங்களில் வெப்ப அலை வீச வாய்ப்பு- வானிலை ஆய்வு மையம்

இறக்குமதி ‌வரியை குறைக்கும் சீனா - மகிழ்ச்சியில் ட்ரம்ப்

china-will-reduce-american-cars-import-tax-america-president-trump-was-happy

அமெரிக்க கார்களை இறக்குமதி செய்வதற்கான வரியை குறைப்பதற்கு சீனா முன் வந்திருப்பதாக அமெரிக்க அதிபர் ட்ரம்ப் அறிவித்துள்ளார்.

அர்ஜென்டினா தலைநகர் ப்யூனஸ் அயர்ஸில் நடந்து முடிந்த ஜி20 உச்சி மாநாட்டின் போது, சீன அதிபர் ஸீ ஜின்பிங்கை, அமெரிக்க அதிபர் ட்ரம்ப் சந்தித்து இரு தரப்பு உறவுகள் குறித்து பேச்சுவார்த்தை நடத்தினார். அப்போது இரு நாட்டுக்கும் இடையே நீடித்து வந்த வர்த்தகப் போரை முடிவுக்கு கொண்டு வருவது குறித்து இருவரும் விரிவாக விவாதித்தனர். 

இரு தரப்புக்கும் இடையே சமாதானம் ஏற்பட்டதை அடுத்து மேற்கொண்டு இறக்குமதி வரியை கூடுதலாக விதிக்கக் கூடாது என்ற முடிவுக்கு இரு நாட்டுத் தலைவர்களும் வந்தனர். இந்நிலையில், இந்தப் பேச்சுவார்த்தை குறித்து ட்விட்டரில் கருத்து வெளியிட்டுள்ள அதிபர் ட்ரம்ப், அமெரிக்காவில் இருந்து இறக்குமதியாகும் கார்களுக்கு 40 சதவிகிதம் வரை வரி விதித்த சீனா, அதை குறைப்பதற்கு தற்போது முன்வந்துள்ளது எனக் குறிப்பிட்டுள்ளார். 

இருப்பினும், எத்தனை சதவிகிதம் வரை குறைக்க முடிவு செய்யப்பட்டுள்ளது என்ற தகவல்களை அவர் வெளியிடவில்லை. அதேசமயம் இரு தரப்புக்கும் இடையே நீடித்து வந்த வர்த்தகத் தடை இதன் மூலம் விரைவில் சீராகும் என எதிர்பார்க்கப்படுகிறது. இதனால் சீனாவில் அமெரிக்க கார்களின் விலை குறையவுள்ளதாக தெரியவந்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close