[X] Close
JUST IN
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்

''ட்ரம்ப் ‌தவறு செய்ய மாட்டார்'' - துணை அதிபர் மைக் பென்ஸ்

trump-second-meeting-with-kim-jong-un

வடகொரியா விவகாரத்தில் கடந்த கால நிர்வாகம் செய்த தவறுகளை அதிபர் ட்ரம்ப் தலைமையிலான நிர்வாகம் நிச்சயம் செய்யாது என அமெரிக்க துணை அதிபர் மைக் பென்ஸ் வாக்குறுதி அளித்துள்ளார். 

அமெரிக்கா, ஜப்பான் மற்றும் தென் கொரியாவை மிரட்டி வந்த வடகொரிய அதிபர் கிம் ஜாங் உன், திடீரென அணு ஆயுதங்கள் மற்றும் ஏவுகணைகள் தயாரிப்பை கைவிட முடிவு செய்வதாக அறிவித்தார். இதனையடுத்து சிங்கப்பூரில் கடந்த ஜூன் மாதம் அமெரிக்க அதிபர் ட்ரம்ப் மற்றும் வடகொரிய அதிபர் கிம் ஜாங் உன் இடையே வரலாற்று சிறப்பு வாய்ந்த சந்திப்பு நடைபெற்றது. அப்போது கொரிய தீபகற்பத்தில் அமைதியை நிலைநாட்டுவதற்கான நடவடிக்கையை எடுப்பது குறித்து இருவரும் விரி‌வாக விவாதித்தனர்.

இதைத் தொடர்ந்து கொரிய தீபகற்பத்தில் அணு ஆயுதங்களை முழுமையாக கைவிடுவது தொடர்பான பேச்சுவார்த்தையில் ஈடுபடுவதற்காக அதிபர் கிம் ஜாங் உன்னுடனான இரண்டாவது சந்திப்புக்கு ஏற்பாடுகள் நடைபெற்று வருகிறது. அதே சமயம், கிம் ஜாங் உன்னுடனான இரண்டாவது சந்திப்பு அடுத்த ஆண்டு தொடக்கத்தில் நடைபெறும் என அமெரிக்க அதிபர் ட்ரம்ப் தெரிவித்திருந்தார். 

இந்நிலையில் புத்தாண்டில் வடகொரிய அதிபர் கிம் ஜாங் உன்னை சந்திக்க ட்ரம்ப் திட்டமிட்டிருப்பதாக அமெரிக்க துணை அதிபர் மைக் பென்ஸ் தெரிவித்துள்ளார். மேலும் கடந்தகால தவறுகளை அவர் (ட்ரம்ப்)  மீண்டும் செ‌ய்ய மாட்டார் என்றும் குறிப்பாக அணு ஆயுதங்களை கைவிடும் திட்டம் தொடர்பாக வெளியிட்ட வாக்குறுதிகளை ட்ரம்ப் மீறமாட்டார் என்றும் மைக் பென்ஸ் தெரிவித்துள்ளார். அப்போது வடகொரிய விவகாரத்தில் ஆக்கப்பூர்வமான நடவடிக்கைகள் எடுக்கப்படும் என எதிர்பார்க்கப்படுகிறது.

Advertisement:
Advertisement:
Advertisement:
[X] Close