[X] Close
JUST IN
  • BREAKING-NEWS கிழக்கு டெல்லி மக்களவை தொகுதியில் பாஜக சார்பில் முன்னாள் கிரிக்கெட் வீரர் கவுதம் கம்பீர் போட்டியிடுகிறார்
  • BREAKING-NEWS சென்னையில் நடைபெறுவதாக இருந்த ஐபிஎல் 2019 இறுதிப்போட்டி ஐதராபாத்துக்கு மாற்றம்
  • BREAKING-NEWS கொழும்பு கொச்சிக்கடை கந்தானையில் தேவாலயம் அருகே கைப்பற்றப்பட்ட வெடிகுண்டை செயலிழக்க செய்ய முயன்றபோது குண்டு வெடித்தது
  • BREAKING-NEWS இலங்கையின் கொழும்பு பேருந்து நிலையத்தில் நின்றிருந்த பேருந்தில் இருந்து 87 டெட்டனேட்டர்கள் பறிமுதல்; வெடி குண்டுகளை செயலிழக்க செய்யும் பணியில் நிபுணர்கள் ஈடுபட்டுள்ளதாக தகவல்
  • BREAKING-NEWS காஞ்சிபுரம் மற்றும் அதன் சுற்றுவட்டார பகுதிகளில் பலத்த காற்றுடன் கனமழை; கன்னியாகுமரி மாவட்டம் தக்கலை, அழகிய மண்டபம், மூலச்சல் உள்ளிட்ட பகுதிகளில் கனமழை
  • BREAKING-NEWS இலங்கையில் தொடர் குண்டு வெடிப்பு காரணமாக இன்று நள்ளிரவு முதல் அவசரநிலை பிரகடனம்
  • BREAKING-NEWS தமிழகத்தில் உள்ளாட்சி தேர்தல் நடத்த மேலும் 3 மாதம் அவகாசம் தேவை என உச்சநீதிமன்றத்தில் தமிழக தேர்தல் ஆணையம் பிரமாணப் பத்திரம் தாக்கல்

பெண்கள் மீது வெறுப்பு... 3டி பெண் பொம்மையை திருமணம் செய்துகொண்ட இளைஞர்

man-marries-computer-character-hatsune-miku

ஜப்பானில் பெண்கள் மீது கொண்ட வெறுப்பால், 3டி பொம்மையை இளைஞர் ஒருவர் திருமணம் செய்து கொண்ட விநோதம் அரங்கேறியுள்ளது.

டோக்கியோவைச் சேர்ந்த அகிஷிகோ கொண்டோ என்ற 35 வயது இளைஞர், வேலைபார்த்த இடத்தில் பெண்களால் பல பிரச்னைகளை எதிர்கொண்டதாக கூறப்படுகிறது. இதனால் பெண்கள் மீது வெறுப்பு கொண்ட அவர், பெண் ஒருவரை திருமணம் செய்துகொண்டால், பிரச்னைகளே வாழ்க்கையாகும் என்று அச்சமடைந்துள்ளார். இதையடுத்து, ஹட்சுனே மிகு என்ற கற்பனை கதாபாத்திரத்தின் முப்பரிமாண பொம்மையை உருவாக்கி வாங்கிய அகிஷிகோ, அந்த பொம்மையையே திருமணம் செய்துகொண்டார். பெற்றோர் எதிர்ப்பை மீறி, பொம்மைக்கு மணப்பெண் அலங்காரம் செய்து அதன் விரலில் மோதிரம் அணிவித்து அகிஷிகோ திருமணம் செய்துகொண்டார்.

ஜப்பான் டோக்கியோவில் உள்ள டவுன் ஹாலில் நடைபெற்ற இந்தத் திருமணத்தில் 40க்கும் மேற்பட்ட விருந்தினர்கள் மட்டுமே கலந்துகொண்டதாகவும், மிகுந்த பொருட்செலவில் இந்தத் திருமணம் நடத்தப்பட்டதாகவும் கூறப்படுகிறது. திருமணம் குறித்து பேசிய  அகிஷிகோ கொண்டோ, நான் திருமணம் செய்துகொண்டுள்ள ஹட்சுனே மிகுவிற்கு வயதாகாது. என் மனம் நோகும்படி நடந்து கொள்ளாது. இதையெல்லாம் நான் பெண்ணிடம் எதிர்பார்க்க முடியாது. அது நடக்காத காரியமும் கூட. நாம் அனைத்து விதமான காதலையும் ஏற்றுக்கொள்ள வேண்டும் என்று தெரிவித்தார். 

மேலும் இந்தப் பொம்மை பாடகி ஹட்சுன் மிகுவின் சாயலில் தயார் செய்யப்பட்டுள்ளது. அதற்கு காரணம் தெரிவித்த அகிஷிகோ கொண்டோ, நான் கவலையாக இருக்கும் போது ஹட்சுன் மிகுவின் பாடல்களை அதிகம் கேட்பேன். அது என் மனதுக்கு ஆறுதலாக இருக்கும். அதனால் தான் அதையே திருமணம் செய்துகொண்டேன் என்று தெரிவித்தார்.

சராசரி திருமண நிகழ்வு போன்றே கேக்குகள், பரிசு பொருட்கள், மோதிரம் போன்ற அனைத்து விஷயங்களும் இந்தத் திருமணத்திலும் இடம் பெற்றன. இந்தத் திருமணத்தில் மணமகனின் குடும்பத்தினர் யாருமே கலந்துகொள்ளவில்லை.


 

Advertisement:
Advertisement:
Advertisement:
[X] Close