[X] Close
JUST IN
  • BREAKING-NEWS புரோ கபடி லீக் தொடரில், சென்னையில் நேற்று தமிழ் தலைவாஸ் மற்றும் புனேரி பல்தான் அணிகளுக்கு இடையேயான ஆட்டம் டிராவில் முடிவடைந்தது
  • BREAKING-NEWS முதல்வரின் சிறப்பு குறை தீர்க்கும் திட்டம் இன்று தொடக்கம்
  • BREAKING-NEWS மகாராஷ்டிரா: துலி அருகே நிம்குல் கிராமத்தில் கண்டெய்னர் லாரியுடன் பேருந்து மோதல் - 10பேர் பலி
  • BREAKING-NEWS இன்று முதல் அமலுக்கு வந்தது ஆவின் பாலின் புதிய விலை

இலங்கை நாடாளுமன்றத்தில் எம்.பிக்களுக்கிடையே கைகலப்பு - சபாநாயகர் மீது தாக்குதல்

srilankan-sabanayagar-karu-jeyasurya-attack-by-mps

இலங்கை நாடாளுமன்றத்தில் ரணில் விக்கிரமசிங்கே மற்றும் ராஜபக்சே தரப்பு எம்.பிக்களிடையே ஏற்பட்ட கைகலப்பில் சபாநாயகர் கரு ஜெயசூர்யா தாக்கப்பட்டுள்ளதாக தகவல் வெளியாகியுள்ளது. 

கடந்த அக்டோபர் மாதம் இலங்கை பிரதமர் ரணில் விக்கிரமசிங்கேவை பதவி நீக்கம் செய்து அதிபர் சிறிசேனா ராஜபக்சேவை பிரதமராக தேர்வு செய்தார். 

இதையடுத்து ராஜபக்சேவை பிரதமராக நியமிக்க அதிபர் சிறிசேனாவுக்கு அதிகாரம் இல்லை எனவும் அதனால் நானே பிரதமராக நீடிப்பதாக ரணில் விக்கிரமசிங்கே தெரிவித்தார். 

மேலும் தனக்கு பெரும்பான்மை இருப்பதாகவும் நாடாளுமன்றத்தை கூட்ட வேண்டும் எனவும் ரணில் விக்கிரமசிங்கே கோரிக்கை விடுத்தார். 

இதையடுத்து இலங்கை நாடாளுமன்றம் கலைக்கப்படுவதாக அதிபர் சிறிசேனா அறிவித்தார். ஆனால் இதற்கு எதிராக இலங்கை உச்சநீதிமன்றத்தில் தாக்கல் செய்யப்பட்ட மனுவை விசாரித்த நீதிபதிகள் நாடாளுமன்ற கலைப்புக்கு இடைக்கால தடை விதித்து உத்தரவிட்டனர். 

இதைத்தொடர்ந்து கூட்டப்பட்ட இலங்கை நாடாளுமன்ற குரல் வாக்கெடுப்பில் ராஜபக்சே தரப்பு பெரும்பான்மை இன்றி தோல்வி அடைந்ததாக சபநாயகர் கரு ஜெயசூர்யா அறிவிப்பு வெளியிட்டார். 

இந்நிலையில் இன்று மீண்டும் கூடிய நாடளுமன்றத்தில் ராஜபக்சே பேசினார். அப்போது, நான் அதிபராகவும், பிரதமராகவும் பதவி வகித்துள்ளேன், ஆகவே, பிரதமர் பதவி எனக்கொன்றும் பெரிதல்ல என பேசினார். 

பெரும்பான்மை இல்லாத நிலையில் ராஜபக்சே பேசியபோது இருதரப்பு எம்.பிக்களுக்கிடையே கைகலப்பு ஏற்பட்டது. ரணில் விக்கிரமசிங்கே ஆதரவு சபாநாயகர் கரு ஜெயசூர்யா மீதும் தாக்குதல் நடத்தப்பட்டுள்ளதாக தகவல் வெளியாகியுள்ளது. இதனால் இலங்கை நாடாளுமன்றத்தில் கூச்சல், குழப்பம் நீடித்து வருகிறது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close