[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

அமெரிக்கத் தாக்குதல்: 35 பேரை காப்பாற்றிய இளைஞருக்கு குவியும் பாராட்டுகள்!

california-bar-shooting-customers-broke-glass-with-stools-helped-35-out

கலிபோர்னியாவில் நடந்த துப்பாக்கிச்சூட்டில் 13 பேர் கொல்லப்பட்டனர். இதில் 35 பேரின் உயிரைக் காப்பாற்றிய இளைஞருக்கு பாராட்டுகள் குவிந்து வருகிறது.

அமெரிக்காவில் மக்கள் கூடும் இடங்களில் மர்ம நபர்கள் துப்பாக்கியால் சுட்டு தாக்குதல் நடத்துவது சமீபகாலமாக அதிகரித்து வருகிறது. இந்நிலையில், கலிபோர்னியாவின் தெற்கு பகுதியில் உள்ள தவுசண்ட் ஓக்ஸ் நகரில் பார்டர்லைன் பாரில் நேற்று இரவு திடீரென துப்பாக்கித் தாக்குதல் நடந்தது. மர்ம நபர் ஒருவர் தான் வைத்திருந்த துப்பாக்கியால் பாரில் கூடியிருந்தவர்களை நோக்கி சரமாரியாகச் சுட்டார்.

இதனால் பாரில் இருந்தவர்கள் அலறியடித்தபடி ஓடி, ஒளிந்தனர். சிலர் கதறியபடி தரையில் படுத்து தப்பித்தனர். சிலர் டேபிளுக்கு அடியில் தஞ்சமடைந்தனர். இருந்தாலும் இந்த துப்பாக்கிச் சூட்டில் 12 பேர் ரத்த வெள்ளத்தில் பரிதாபமாக பலியாயினர். பலர் காயமடைந்தனர். இந்த துப்பாக்கிச்சூட்டில் ஈடுபட்டது கடற்படை முன்னாள் வீரர் இயான் டேவிட் லாங் (28) என்பது தெரியவந்துள்ளது. அவரை, அங்கு வந்த போலீசார் சுட்டுக்கொன்றுவிட்டனர். இதையடுத்து இதில் பலியானவர்களின் எண்ணிக்கை 13 ஆக உயர்ந்தது.


இந்நிலையில், இந்த பாருக்கு அடிக்கடி வரும் மாட் வென்னர்ஸ்ட்ரோம் என்ற இளைஞர் 35 பேரின் உயிரை காப்பாற்றிய சம்பவம் இப்போது தெரியவந்துள்ளது. ஒவ்வொரு வார இறுதியிலும் இந்த பாருக்கு வரும் அவர், துப்பாக்கியால் ஒருவர் சுடுவதைக் கண்டதும் உடனடியாக காரியத்தில் இறங்கினார். 

தனது அருகில் இருந்தவர்களை டேபிளுக்கு பின்பக்கம் ஒளிய வைத்தார். சிறிது நேரத்தில், துப்பாக்கியால் சுட்ட நபர், அடுத்த ரவுண்ட்டுக்கு தோட்டாக்களை நிரப்புவதைக் கண்டார் வென்னர்ஸ்ட்ரோம்.

(வென்னர்ஸ்ட்ரோம்)

உடனே அங்கிருந்த டேபிள் ஒன்றை எடுத்து கண்ணாடி ஜன்னலை உடைத்தார். அது உடைந்ததும் அங்கிருந்த இளம் பெண்களையும் இளைஞர் களையும் அதன் வழியாக வெளியே குதிக்க வைத்தார். இப்படி 35 பேரை காப்பாற்றியுள்ளார். இதே போல மேலும் சிலர் மற்றொரு பக்கம் ஜன்ன லை உடைத்து வெளியேறியுள்ளனர். 

இதையடுத்து வென்னர்ஸ்ட்ரோமுக்கு பாராட்டுகள் குவிந்துவருகின்றன. அவரை ஹீரோ என புகழும் வலைத்தள வாசிகள், அவரைப் போல இளைஞர்கள்தான் அதிகம் தேவை என்றும் கூறியுள்ளனர். 


 

Advertisement:
இது தொடர்பான செய்திகள் :
Advertisement:
Advertisement:
[X] Close