[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்

சிறிசேனாவை சந்தித்த தமிழ் முற்போக்குக் கூட்டணி தலைவர் - ராஜபக்சவுக்கு ஆதரவா?

tpa-leader-mano-ganesan-also-declines-to-support-sri-lanka-s-new-government

இலங்கை அதிபர் மைத்ரி பால சிறிசேனவை சந்தித்துள்ள தமிழ் முற்போக்குக் கூட்டணியின் தலைவர் மனோ கணேசன், ராஜபக்ச அரசில் இணையப் போவதில்லை என திட்டவட்டமாக தெரிவித்துள்ளார்.

இலங்கையின் புதிய பிரதமராக ராஜபக்ச நியமிக்கப்பட்டதை அடுத்து, அந்நாட்டு அரசியலில் குழப்பம் நீடித்து வருகிறது. வரும் 14 ஆம் தேதி நாடாளுமன்றம் கூடும்போது, குழப்பமான நிலை மாறும் என எதிர்பார்க்கப்படுகிறது. 

14 ஆம் தேதி நாடாளுமன்றம் கூடும் போது, நம்பிக்கை வாக்கெடுப்பு நடத்தப்பட்டால், ராஜபக்ச பெரும்பான்மையை நிரூபிக்க நேரிடலாம் எனக் கூறப்படுகிறது. எனவே தேவையான எம்.பி.,க்களை தங்கள் வசம் இழுக்க ராஜபக்ச தரப்பு முயன்று வருவதாகவும் தகவல்கள் வெளியாகியுள்ளன. அதே சமயம் தனது தரப்புக்குத் தான் பெரும்பான்மை பலம் இருப்பதாக பிரதமர் பதவியில் இருந்து நீக்கப்பட்ட ரணில் விக்ரமசிங்க தெரிவித்து வருகிறார் என்பது குறிப்பிடத்தக்கது.

      

இதனிடையே, இலங்கை அதிபர் மைத்ரி பால சிறிசேனவை தமிழ் முற்போக்குக் கூட்டணியின் தலைவர் மனோ கணேசன் இன்று சந்தித்தார். இதனால், அணி மாறுவதற்கான வாய்ப்புள்ளதாக கருதப்பட்டது.

இந்நிலையில், ராஜபக்ச அரசில் இணையப் போவதில்லை என திட்டவட்டமாக மனோ கணேசன் தெரிவித்துள்ளார். இது குறித்து மனோ கணேசன் தனது ட்விட்டர் பக்கத்தில் வெளியிட்டுள்ள பதிவில், அதிபர் மைத்ரிபால சிறிசேனவை தமிழ் முற்போக்கு கூட்டணியின் 6 எம்.பி.க்களும் நேரில் சந்தித்து, தற்போதைய அரசியல் நிலவரம் குறித்து விவாதித்ததாக குறிப்பிட்டுள்ளார்.

        

அப்போது ராஜபக்ச அரசில் இணைய வேண்டும் என அதிபர் விடுத்த அழைப்பை அனைவரும் ஒருசேர நிராகரித்து விட்டு வந்ததாக அந்தப் பதிவில் அவர்‌ குறிப்பிட்டுள்ளார். 

 

Advertisement:
Advertisement:
Advertisement:
[X] Close