[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கில் சென்னை மருத்துவ மாணவரின் தந்தை சரவணனின் ஜாமீன் மனுவை தள்ளுபடி செய்தது உயர்நீதிமன்ற கிளை
  • BREAKING-NEWS மேயர் பதவிக்கான தேர்தலை மறைமுகமாக நடத்துவதற்கு அவசரச் சட்டம் கொண்டுவர தமிழக அமைச்சரவைக் கூட்டத்தில் முடிவு என தகவல்
  • BREAKING-NEWS உள்ளாட்சிகளில் உயர்த்தப்பட்ட சொத்துவரியை மறுபரிசீலனை செய்ய நிதித்துறை முதன்மை செயலாளர் தலைமையில் குழு அமைக்கப்பட்டுள்ளது - அமைச்சர் எஸ்.பி.வேலுமணி
  • BREAKING-NEWS சர்க்கரை ரேஷன் அட்டைகளை தகுதியின் அடிப்படையில் அரிசி ரேஷன் அட்டைகளாக மாற்றிக்கொள்ளலாம் - தமிழக அரசு
  • BREAKING-NEWS தூத்துக்குடி மக்களவை தேர்தல் வழக்கு: கனிமொழி தொடர்ந்த மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS ஒடிசாவில் நடிகர் கமல்ஹாசனுக்கு கவுரவ டாக்டர் பட்டம் வழங்கினார் முதல்வர் நவீன் பட்நாயக்
  • BREAKING-NEWS சென்னை ஐஐடி மாணவி பாத்திமா தற்கொலை தொடர்பாக விசாரணை நடத்த மத்திய குற்றப்பிரிவு காவல்துறையினர் கேரளா விரைகின்றனர்

கடலில் தத்தளித்த குழந்தையைக் காப்பாற்றிய நியூசிலாந்த் மீனவர்    

new-zealand-fisherman-rescues-toddler-from-ocean

நியூசிலாந்தில் கடலில் தத்தளித்த 18 மாத குழந்தையைக் காப்பாற்றி மீனவர் ஒருவர் அனைவரின் பாராட்டையும் பெற்றுள்ளார்.

நியூசிலாந்தைச் சேர்ந்த மீனவர் ஹஸ் ஹட். இவர் அக்டோபர் 26ம் தேதி காலையில் வழக்கம் போல் தான் செல்லும் கடற்பகுதிக்கு மீன்பிடிக்கச் சென்றுள்ளார். அப்போது நீரில் ஏதோ பொம்மை மிதப்பது போன்று தெரிந்துள்ளது. அருகில் சென்று பார்த்தபோது அது குழந்தை எனத் தெரியவந்தது. குழந்தையை காப்பாற்றிய ஹஸ் ஹட் அருகே உள்ள தனது வீட்டிற்கு கொண்டு சென்றுள்ளார். தனது கணவன் கையில் ஒரு குழந்தையோடு வருவதைக்கண்ட ஹட்டின் மனைவி வீட்டினுள் ஓடிச்சென்று துணியை எடுத்து வந்து குழந்தையின் ஈரத்தை போக்கியுள்ளார்.

இது குறித்து பேசிய அங்குள்ள பத்திரிகைக்கு பேசியுள்ள ஹட்டின் மனைவி ''நான் பார்த்தபோது என் கணவர் கையில் ஒரு குழந்தையை ஈரத்துடன் தூக்கி வந்தார். நான் வீட்டினுள்  ஓடிச்சென்று ஈரத்தை போக்குவதற்கு துணியை எடுத்து வந்தேன். குழந்தையின் முடி, ஆடை முழுவதும் மணல் ஒட்டி இருந்தது. மணலில் நகர்ந்து சென்று நீரினுள் விழுந்திருக்க வேண்டும் என்று தோன்றியது. அருகில் இருந்தவர்களிடம் விசாரித்து குழந்தையின் பெற்றோரை கண்டு பிடித்தோம் என்று தெரிவித்தார்.

குழந்தையைக் காப்பாற்றியது குறித்து பேசிய ஹட், நான் முதலில் அது பொம்மை என்று நினைத்தேன். அருகே சென்று பார்த்தபோது முனகல் சத்தம் கேட்டது. அப்போது தான் அது குழந்தை என எனக்கு தெரிந்தது. கடல் அருகே போடப்பட்ட தற்காலிக கூடாரத்தில் இருந்து குழந்தை நகர்ந்து கடலுக்குள் வந்துள்ளது. நான் சரியான நேரத்தில் பார்க்கவில்லை என்றல் குழந்தையின் உயிருக்கு ஆபத்தாகி இருக்கும். சரியான நேரத்தில் குழந்தையைக் காப்பாற்றினேன் என்று தெரிவித்தார்.

சம்பவம் குறித்து பேசிய குழந்தையின் தாய், ''தற்காலி கூடாரத்தில் நாங்கள் தூங்கிவிட்டோம். குழந்தையை தண்ணீரில் மீட்டோம் என்று ஹட்டின் மனைவி கூறியபோது எனக்கு இதயமே நின்றுவிட்டது. குழந்தை உயிருடன் மீண்டு வந்தது கடவுளின் செயல். ஹட்டிற்கு நன்றிகள் சொல்ல வார்த்தைகளே இல்லை. குழந்தைகளுடன் வெளியே செல்லும் போது பாதுகாப்பாக இருக்க வேண்டும். தற்காலிக கூடாரத்தை சரியாக அடைத்துக்கொள்ள வேண்டும்'' என்று தெரிவித்துள்ளார்.

சம்பவ இடத்துற்கு வந்த காவலர்கள் குழந்தையை அருகில் உள்ள மருத்துவமனைக்கு அனுப்பி வைத்துள்ளனர். குழந்தை தற்போது நலமாக இருக்கிறது. அது துறுதுறுவென இருக்கிறது. வெளி உலகத்தை பார்க்க ஆசைப்பட்டு வெளியேறிவிட்டான் என்று மீனவர் ஹட் நகைச்சுவையோடு மகிழ்ச்சியை பகிர்ந்து கொண்டுள்ளார். 

Advertisement:
Advertisement:
Advertisement:
[X] Close