[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்

“கஷோகி படுகொலை வரலாற்றிலேயே மோசமானது” - அதிபர் ட்ரம்ப் 

worst-cover-up-ever-says-trump-on-apparent-khashoggi-murder-plot

கஷோகி படுகொலை செய்யப்பட்டு அக்கொலையை மறைப்பதற்காக எடுக்கப்பட்ட முயற்சி வரலாற்றிலேயே மிகவும் மோசமானது என அமெரிக்க அதிபர் ட்ரம்ப் தெரிவித்துள்ளார்.

சவுதி மன்னர், சல்மானின் முடியாட்சியை பற்றி கடுமையாக விமர்சித்து அமெரிக்காவின் ‘வாஷிங்டன் போஸ்ட்’பத்திரிகையில் எழுதி வந்தவர், ஜமால் கஷோகி . தனது காதலியை திருமணம் செய்து கொள்வதற்கா‌க ஜமால் கஷோகி கடந்த 2 ஆம் தேதி  துருக்கி தலைநகர் இஸ்தான்புல் சென்றிருந்தார். அப்போது முதல் மனைவியை விவகாரத்து செய்ததற்கான ஆவணங்களை பெற்றுக் கொள்வதற்காக இஸ்தான்புல் நகரில் உள்ள சவுதி அரேபிய துணை தூதரகத்துக்கு சென்ற அவர், அதற்குப் பின் வெளியே வரவில்லை. சவுதி தூதரகத்துக்குள் சென்ற கஷோகியை தூதரக அதிகாரிகள் கொலை செய்துவிட்டதாக துருக்கி அரசும், ஊடகங்களும் சந்தேகம் எழுப்பின. ஆனால், சவுதி அரசு இதனை தொடர்ந்து மறுத்து வந்தது. 

ஆனால், வெளிநாட்டு ஊடகங்கள் அவர் கொல்லப்பட்டுவிட்டார் என்று உறுதியாக கூறி வந்தன. அமெரிக்க அதிபர் டிரம்ப், பத்திரிகையாளர் ஜமால் கஷோகி, சவுதி அரேபியாவால் கொலை செய்யப்பட்டிருந்தால், அந்நாட்டின் மீது கடும் நடவடிக்கை எடுக்கப்படும் என எச்சரித்திருந்தார். ஜமால் கஷோகி மாயமானது தொடர்பாக மன்னர் சல்மான் விசாரணைக்கு உத்தரவிட்டிருந்தார். இது தொடர்பாக துருக்கி போலீஸ், தூதரகத்துக்கு சென்று விசாரணை நடத்தியது.

பிரான்ஸ், ஜெர்மனி, அமெரிக்கா உள்ளிட்ட நாடுகள் இதுகுறித்து விசாரணை நடத்த வலியுறுத்தி வந்தன. இந்நிலையில் சர்வதேச நாடுகள் கொடுத்த நெருக்கடியை தொடர்ந்து, அவர் கொல்லப்பட்டார் என்பதை ஒப்புக் கொண்டது சவுதி அரேபியா. தூதரக அதிகாரிகளுக்கும் வாக்குவாதம் ஏற்பட்டதாகவும், இதையடுத்து நடந்த சண்டையில் அவர் கொல்லப்பட்டதாக சவுதி அரேபியாவின் அரசு வழக்கறிஞர் தெரிவித்தார். 

இது குறித்து வெள்ளை மாளிகையில் செய்தியாளர்களை சந்தித்த ட்ரம்ப், கஷோகி படுகொலை விவகாரத்தில் பெரும் சதித் திட்டம் அரங்கேற்றப்பட்டுள்ளதாகவும், தவிர அந்தக் கொலையை மறைப்பதற்காக எடுக்கப்பட்ட முயற்சி வரலாற்றிலேயே மிகவும் மோசமானது என்றும் கூறியுள்ளார். இத்தகைய மோசமான செயலை செய்தவர்களுக்கு நிச்சயம் மிகப் பெரிய பிரச்னை காத்திருக்கிறது என்றும் ட்ரம்ப் கூறினார். பத்திரிகை ஒன்றிற்கு பேட்டியளித்த ட்ரம்ப், கஷோகி கொலை வழக்கில் சவுதியின் முக்கிய அதிகாரிகளுக்கு தொடர்பு உள்ளது என்றும், பட்டத்து இளவரசருக்கும், இதற்கும் எந்தத் தொடர்பும் இல்லை என்றும் தெரிவித்துள்ளார்.

Advertisement:
Advertisement:
Advertisement:
[X] Close