[X] Close
JUST IN
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது
  • BREAKING-NEWS இந்தியாவுக்கு எதிரான டி20 போட்டி: தென்னாப்பிரிக்க அணி 9 விக்கெட் வித்தியாசத்தில் வெற்றி
  • BREAKING-NEWS தமிழகம் முழுவதும் கருணாநிதி சிலை திறக்கப்படும்: ஈரோட்டில் கருணாநிதி சிலையை திறந்து வைத்து மு.க.ஸ்டாலின் பேச்சு
  • BREAKING-NEWS இடைத்தேர்தலில் போட்டியிடும் நாம் தமிழர் கட்சி வேட்பாளர்கள் 25-ம் தேதி அறிவிக்கப்படுவார்கள்: சீமான்

சுற்றுச்சூழல் கண்டுபிடிப்பிற்கு வேதியலுக்கான நோபல் பரிசு அறிவிப்பு 

nobel-prize-in-chemistry-2018-with-one-half-to-frances-h-arnold-and-the-other-half-jointly-to-george-p-smith-and-sir-gregory-p-winter

இந்த ஆண்டுக்கான நோபல் பரிசு அக்டோபர் ஒன்றாம் தேதி முதல் அறிவிக்கப்பட்டு வருகிறது. அதன்படி, இந்த ஆண்டு மருத்துவத்திற்கான நோபல் பரிசு, புற்றுநோய் தொடர்பான மருத்துவக் கண்டுபிடிப்புக்காக ஜேம்ஸ் பி.ஆலீஸன், தசுகோ ஹோஞ்ஜோ ஆகிய இருவருக்கும் அறிவிக்கப்பட்டது.

அதனையடுத்து, நேற்று இயற்பியலுக்கான நோபல் பரிசு, அமெரிக்காவைச் சேர்ந்த ஆர்தர் ஆஷ்கின், பிரான்ஸ் நாட்டைச் சேர்ந்த ஜெரார‌ட் மௌரு, கனடாவைச் சேர்ந்த டான்னா ஸ்ட்ரிக்ட்லேண்ட் ஆகியோருக்கு அறிவிக்கப்பட்டது. லேசர் கதிர்கள் மூலம் நுண்ணுயிரிகளை ஈர்ப்பது, கண் அறுவைச் சிகிச்சை போன்றவற்றில் லேசரை பயன்படுத்துவது உள்ளிட்ட ஆராய்ச்சிகளை இந்த விஞ்ஞானிகள் மேற்கொண்டனர். இவர்களில் டான்னா ஸ்ட்ரிக்ட்லேண்ட், இயற்பியலுக்கான நோபல் பரிசைப் பெறும் மூன்றாவது பெண் விஞ்ஞானி என்ற பெருமையைப் பெறுகிறார்.

        

இந்நிலையில், மூன்றாவதாக இன்று வேதியலுக்கான நோபல் பரிசு அறிவிக்கப்பட்டுள்ளது. அதன்படி, 2018ம் ஆண்டில் வேதியலுக்கான நோபல் பரிசுக்கு அமெரிக்காவைச் சேர்ந்த ஜார்ஜ் ஸ்மித், பிரான்சஸ் அர்னால்டு, பிரிட்டனின் கிரிகோரி விண்ட்டர் ஆகியோர் தேர்வு செய்யப்பட்டுள்ளனர். மனித குலத்திற்கு உதவும் வகையில் புதிய வேதியியல் பொருட்களை கண்டுபிடித்ததற்காக இந்த நோபல் பரிசு அறிவிக்கப்பட்டுள்ளது. சுற்றுச்சூழலுக்கு உகந்த வேதியியல் பொருட்களை கண்டுபிடித்ததற்காக நோபல் கமிட்டி பாராட்டியுள்ளது. 

          

ஸ்வீடன் தலைநகர் ஸ்டாக்ஹோமில் நோபல் பரிசு அறிவிக்கப்பட்டு வருகின்றன. நோபல் பரிசு அறிவிக்கப்பட்ட இருவருக்கும் தலா ரூ4 கோடி பரிசுத் தொகை வழங்கப்படும். இதனையடுத்து, அமைதிக்கான நோபல் பரிசை 5 ஆம் தேதியும், அக்டோபர் 8 ஆம் தேதியன்று பொருளாதாரத்திற்கான நோபல் பரிசும் அறிவிக்கப்படவுள்ளது. 

வீடியோ

Advertisement:
Advertisement:
Advertisement:
[X] Close