[X] Close
JUST IN
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு

ஒரு புகைப்படம் - வெளிப்பட்ட பங்களாதேஷின் உண்மை முகம்

a-viral-photo-of-lovers-made-a-photographer-to-loose-his-job

ஜிபோன் அகமத் - பங்களாதேஷ் பத்திரிகை ஒன்றின் புகைப்படக்காரர். வித்தியாசமான புகைப்படங்களை எடுப்பதில் வல்லவர். ஆனால் அவர் எடுத்த புகைப்படமே அவருக்கு பிரச்னையாகும் என எதிர்பார்த்திருக்க மாட்டார். அஹமத் சில நாட்களுக்கு முன்பு மழை பெய்து கொண்டிருந்த சமயம் வெளியே சென்றிருந்தார். காதலர்கள் இருவர் மழையில் ஒரு இடத்தில் அமர்ந்து முத்தம் கொடுத்துக் கொண்டனர். அவர்களின் அனுமதியோடு அதனை புகைப்படமாக எடுத்தார் அஹமத். 

வீட்டுக்கு வந்ததும் தான் எடுத்த புகைப்படத்தை தனது பேஸ்புக்கில் பதிவிட்டார். அவ்வளவுதான் தாமதம் புகைப்படம் வைரலானது. பலரும் பகிர ஆரம்பித்தனர். நிறைய நேர்மறையான கருத்துகள் புகைப்படம் குறித்து தெரிவிக்கப்பட்டது. அதோடு சேர்த்து காதலர்களை மிரட்டும் தொனியில் சில கருத்துகளும் அந்த புகைப்படத்தின் கீழ் எழுதப்பட்டன. அஹமதின் புகைப்படத்தை பகிர்ந்திருந்த ஒருவர் “இதுவரை ரகசியமாக நடந்த விஷயங்கள் எல்லாம் இப்போது வெளிப்படையாக நடக்கிறது, இவர்களது அட்டூழியம் தாங்கவில்லை, இனி பொது இடங்களில் அமர்ந்து கொண்டு முகம் சுழிக்கும் வகையில் காதல் செய்வார்கள்” என்று எழுதியிருந்தார். இன்னும் சில தகாத வார்த்தைகளால் அஹமதையும் , காதலர்களையும் வசைபாடினர். 

புகைப்படத்தை அஹமது எடுத்ததை அறிந்து கொண்ட அவரது அலுவலகம் இதனை எவ்வாறு படமெடுத்து பதிவிடலாம் என அவரை பணி நீக்கம் செய்து விட்டதாக அஹமது தெரிவித்தார். அலுவலகம் வந்த தனது அடையாள் அட்டையை வாங்கிக் கொண்டு அவரை திருப்பி அனுப்பியதாக புகார் கூறியுள்ளார் அஹமத். ஆனால் அவரது அலுவலகமோ அதனை மறுத்து விட்டது. இது குறித்து அஹமது கூறுகையில் “ காதலர்களின் ஒப்புதலோடு புகைப்படம் எடுத்து அலுவலகத்திற்கு அனுப்பினேன், ஆனால் ஆசிரியரோ இது தவறான ஒன்றை பிரதிபலிக்கிறது என்றார், ஆனால் நானோ உண்மையான காதலின் எண்ணம் வெளிப்படுவதை விளக்கினேன் , அவர்களோ புரிந்து கொள்ள தயாராக இல்லை என்றார். 

இதற்கிடையில் இப்படிப்பட்ட ஒரு புகைப்படத்தை எடுக்கலாமா என கூறி அஹமது தாக்கப்பட்டுள்ளார். காதலர்களீன் முகவரி கேட்டும் அவர் துன்புறுத்தப்பட்டுள்ளார். இது குறித்து தன்னால் எதுவும் செய்ய முடியவில்லை என்று கூறிய அஹமத், இதில் என்ன தவறு இருக்கிறது, தாங்களாக அவர்கள் முத்தமிட்டு கொள்கிறார்கள், அவர்களின் உணர்வின் வெளிப்பாடு இது, எப்போது இவர்களின் எண்ணம் மாறப்போகிறது என கேள்வி எழுப்பினார். 

Advertisement:
Advertisement:
Advertisement:
[X] Close