[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

தேர்தலில் ரஷ்யாவின் தலையீடு இல்லை: ட்ரம்ப்

trump-and-putin-to-hold-first-summit-talks-as-twitchy-west-looks-on

அமெரிக்கத் தேர்தலில் ரஷ்யாவின் தலையீடு இருந்ததாக கூறப்படும் குற்றச்சாட்டிற்கு இருநாட்டுத் தலைவர்களும் மறுப்பு தெரிவித்துள்ளனர்.

பெரிதும் எதிர்பார்க்கப்பட்ட அமெரிக்க அதிபர் ட்ரம்ப், ரஷ்ய அதிபர் புதின் இடையேயான சந்திப்பு பின்லாந்து தலைநகர் ஹெல்சின்கியில் நடைபெற்றது. அப்போது இரு நாட்டு உறவு, சர்வதேச விவகாரங்கள் குறித்து விரிவாகப் பேசப்பட்டன. பேச்சுவார்த்தைக்குப் பின் இருவரும் கூட்டாக செய்தியாளர்களை சந்தித்தனர். அப்போது பேசிய ட்ரம்ப், புதினுடனான பேச்சுவார்த்தை ஆக்கப்பூர்வமாக இருந்ததாக தெரிவித்தார். இதன் மூலம் இரு நாடுகளுக்கிடையேயான உறவில் மாற்றம் ஏற்பட்டுள்ளதாக குறிப்பிட்டார். அமெரிக்கத் தேர்தலில் ரஷ்யாவின் தலையீடு இருந்ததாக எழுந்துள்ள குற்றச்சாட்டை மறுத்துள்ள அவர், திறம்பட மேற்கொண்ட பரப்புரையினாலேயே தேர்தலில் வெற்றி பெற்றதாக தெரிவித்தார். 

இருதரப்பு உறவில் சவாலான விவகாரங்கள் சில இருப்பதாகவும் இருப்பினும் அவற்றை மேம்படுத்துவதற்கான முதல்கட்ட நடவடிக்கையை இருவரும் தொடங்கியிருப்பதாகவும் புதின் கூறினார். இருநாடுகளுக்கிடையேயான பனிப்போர், முடிந்துபோன விவகாரம் என்றும் குறிப்பிட்டார். இந்தச் சந்திப்பின் போது உலகக்கோப்பை கால்பந்து போட்டியை நினைவுக் கூறும் வகையில் ட்ரம்பிடம் புதின் கால்பந்தை அளித்தார். உலகக் கோப்பையை ரஷ்யா நடத்தி முடித்திருக்கும் நிலையில், 2026ம் ஆண்டு அமெரிக்கா நடத்த இருப்பதை உணர்த்தும் வகையில் கால்பந்து அளிக்கப்பட்டது.
 

Advertisement:
Advertisement:
Advertisement:
[X] Close