[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

தாய்லாந்து குகையிலிருந்து மீட்கப்பட்ட சிறுவர்கள் சிலருக்கு நிமோனியா பாதிப்பு..!

13-child-rescued-from-thai-cave-lost-2-kg-weights

தாய்லாந்தில் குகைக்குள் இருந்து மீட்கப்பட்ட சிறுவர்களில் ஒரு சிலருக்கு நிமோனியா பாதிப்பு இருப்பது கண்டறியப்பட்டுள்ளது. முறையான உணவின்றி சிறுவர்கள் ஒவ்வொருவரும் தலா இரண்டு கிலோ குறைந்துள்ளதும் தெரியவந்துள்ளது.

தாய்லாந்திலுள்ள தாம் லுங் குகைக்கு கடந்த மாதம் 23-ஆம் தேதி 12 கால்பந்து விளையாடும் சிறுவர்களும் அவர்களது பயிற்சியாளரும் சென்றனர். அப்போது பெய்த கனமழையால் கடும்வெள்ளம் ஏற்பட்டது. இதனால் அவர்கள் குகைக்குள், சுமார் 4 கிலோ மீட்டர் தூரத்தில் சிக்கிக் கொண்டனர். ஒன்பது நாட்களுக்குப் பின்னர், கடந்த 2-ம் தேதி அவர்கள் குகைக்குள் சிக்கியிருப்பது கண்டுபிடிக்கப்பட்டது. இதையடுத்து இந்தச் செய்தி பரபரப்பானது. அவர்களை எப்படி மீட்பது என்று விவாதிக்கப்பட்டது.

இதற்காக அமெரிக்கா, பிரிட்டன், ஆஸ்திரேலிய நாடுகளை சேர்ந்த தலைசிறந்த நீச்சல் வீரர்கள் தாய்லாந்தில் குவிந்தனர். இதில் திறமை வாய்ந்த 12 வீரர்கள் மற்றும் ஒரு டாக்டர் தேர்ந்தெடுக்கப்பட்டு முதலில் செல்வது என முடிவு செய்யப்பட்டது. அதன்படி கடந்த 8-ம் தேதி அவர்கள் குகைக்குள் சென்று மீட்பு பணியில் ஈடுபட்டனர். முதற்கட்டமாக 4 சிறுவர்களும் மறுநாள் 4 சிறுவர்களும் மீட்கப்பட்டனர். மேலும் நான்கு பேரும் பயிற்சியாளரும் நேற்று  மீட்கப்பட்டனர். 13 பேரும் பத்திரமாக மீட்கப்பட்டதையடுத்து தாய்லாந்து நாட்டு மக்கள் அனைவரும் உற்சாக வெள்ளத்தில் திளைத்தனர்.

தற்போது மீட்கப்பட்ட 13 பேருக்கும் மருத்துவமனையில் சிகிச்சையளிக்கப்பட்டு வருகிறது.  இரண்டு வாரத்திற்கும் அதிகமாக சிறுவர்கள் இருளில் சரியான உணவின்றி தவித்த காரணத்தினால் தற்போது அவர்கள் ஒவ்வொருவரும் தலா 2 கிலோவுக்கும் அதிகமாக எடை குறைந்துள்ளது தெரியவந்துள்ளது. அது மட்டுமல்லாமல் சில சிறுவர்களுக்கு நிமோனியா பாதிப்பு ஏற்பட்டுள்ளதும் கண்டறியப்பட்டுள்ளது. சிலருக்கு உடலின் வெப்பத்தின் அளவு வழக்கத்தை விட மிகக் குறைந்த அளவில் காணப்படுகிறது. இருந்தாலும் யாருக்கும் பெரிய அளவில் உடல் பாதிப்பு ஏற்படவில்லை.

முதற்கட்டமாக மீட்கப்பட்ட 4 சிறுவர்களை மட்டும் தற்போது அவர்கள் குடும்பத்தினர் சந்திக்க அனுமதி அளிக்கப்பட்டுள்ளது. மற்றவர்களையும் குடும்பத்தினர் விரைவில் சந்திக்க அனுமதிக்கப்படுவார்கள் எனக் கூறப்படுகிறது. மீட்கப்பட்டவர்களுக்கு தற்போது சிக்கன் மற்றும் மென்மையான உணவு வகைகள் வழங்கப்பட்டு வருகின்றன. அவர்கள் அனைவரும் பூரண நலம்பெற்று இன்னும் ஒரு வாரத்திற்குள் வீடு திரும்பி விடுவார்கள் என மருத்துவமனை வட்டாரங்கள் தெரிவிக்கின்றன.

Advertisement:
இது தொடர்பான செய்திகள் :
Advertisement:
Advertisement:
[X] Close