[X] Close
JUST IN
  • BREAKING-NEWS பேருந்து கட்டண உயர்வுக்கு எதிராக ஜன.27 இல் திமுக நடத்தும் ஆர்ப்பாட்டத்தில் மதிமுக பங்கேற்கும்
  • BREAKING-NEWS பேருந்து கட்டண உயர்வை எதிர்த்து ஜன.24 ஆம் தேதி பாஜக போராட்டம் நடத்தும்-தமிழிசை
  • BREAKING-NEWS ஜன. 12 இல் ஒத்திவைக்கப்பட்ட அண்ணா பல்கலைக்கழகத் தேர்வு நாளை மறுநாள் நடைபெறும்
  • BREAKING-NEWS 2ஜி விவகாரத்தில் ஆ.ராசா எழுதிய ‘தி 2ஜி சாகா அன்ஃபோல்ட்ஸ்’ என்ற புத்தகம் டெல்லியில் வெளியீடு
  • BREAKING-NEWS பேருந்து கட்டணத்தை உயர்த்தியது தமிழக அரசு; நாளை முதல் அமலுக்கு வருகிறது
  • BREAKING-NEWS மூத்த குடிமக்கள், 8 வயதுக்கு கீழ் உள்ளவர்களுக்கு பாஸ்போர்ட் கட்டணம் 10% குறைக்கப்படும் - சுஷ்மா ஸ்வராஜ்
  • BREAKING-NEWS டெல்லியில் சுஷ்மா ஸ்வராஜை புரட்சித்தலைவி அம்மா என்று அழைத்து மகிழ்வேன் - புதுச்சேரி முதலமைச்சர்
உலகம் 13 Jan, 2018 11:10 AM

சவுதி அரேபியாவில் முதன் முறையாக கால்பந்துபோட்டியை ரசித்த பெண்கள்!

saudi-football-stadium-welcomes-women-for-first-time

சவுதி அரேபியாவில் கால்பந்துபோட்டியை பார்த்து ரசிக்க, முதன் முறையாக பெண்கள் மைதானத்துக்குள் நேற்று அனுமதிக்கப்பட்டனர்.

சவுதி அரேபியாவில் மன்னராட்சி நடந்து வருகிறது. அங்கு பெண்களுக்கு கடும் கட்டுப்பாடுகள் விதிக்கப்பட்டுள்ளன. இந்நிலையில் புதிய பட்டத்து இளவரசாகப் பொறுப்பேற்றுள்ள முகமது பின் சல்மான் அங்கு சீர்த்திருத்த நடவடிக்கைகளை எடுத்து வருகிறார். சவுதியில் சினிமா தியேட்டர் திறக்கவும் பெண்கள் கார் ஓட்டவும் விளையாட்டுகளை மைதானத்துக்குச் சென்று பார்க்கவும் அனுமதியளித்துள்ளார். 
இதையடுத்து ஜெட்டா நகரில் அல் -அஹி மற்றும் அல் - படின் அணிகளுக்கு இடையேயான லீக் கால்பந்து போட்டியை பார்க்க பெண்கள் நேற்று அனுமதிக்கப்பட்டனர். மைதானத்தில் அவர்களுக்காக அமைக்கப்பட்ட  கேலரியில் குடும்பத்துடன் அமர்ந்து போட்டியை உற்சாக ரசித்தனர்.

இதுபற்றி போட்டியை காண வந்த, லம்யா கலீத் நாசர் என்ற 32 வயது கால்பந்து ரசிகை கூறும்போது, ‘இந்த நிகழ்வு வளமான எதிர்காலத்துக்கான மாற்றமாக இருக்கிறது. இந்த மாற்றத்தின் சாட்சியாக இருக்கும் நான், பெருமையடைகிறேன்’ என்றார்.

ஜெட்டாவைச் சேர்ந்த ருவேய்டா அலி கசாம் என்பவர் கூறும்போது, ‘சவுதியின் வரலாற்று முக்கியத்துவமான நாள் இன்று. மற்ற நாடுகளை போல பெண்களுக்கு அளிக்கப்படும் இந்த மாற்றங்கள் பெருமையாக இருக்கிறது’ என்று தெரிவித்துள்ளார். 


 

Advertisement:
Advertisement:
Advertisement:
[X] Close