[X] Close
JUST IN
  • BREAKING-NEWS இந்திய கிரிக்கெட் அணி கேப்டன் விராட் கோலிக்கு ராஜீவ் காந்தி கேல் ரத்னா விருது வழங்கப்பட்டது
  • BREAKING-NEWS ஆதார் செல்லுமா ? செல்லாதா ? என்பது குறித்து உச்சநீதிமன்ற அரசியல் சாசன அமர்வு நாளை தீர்ப்பளிக்கிறது
  • BREAKING-NEWS சிலை கடத்தல் வழக்குகளை விசாரிக்க சிபிஐ மறுத்தது குறித்து பதிலளிக்க தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS விநாயகர் சிலை ஊர்வலத்தில் பேசியதை நீதிமன்றம் தாமாக முன் வந்து விசாரிக்க ஹெச்.ராஜா எதிர்ப்பு
  • BREAKING-NEWS தேனி மாவட்டம் பெரியகுளம் அருகே உள்ள கும்பக்கரை அருவியில் குளிக்க சுற்றுலா பயணிகளுக்கு அனுமதி
  • BREAKING-NEWS உலகின் சிறந்த கால்பந்து வீரராக லூகா மோட்ரிச் தேர்வு
  • BREAKING-NEWS சென்னையில் பெட்ரோல் லிட்டருக்கு ரூ.86.13 காசுகளாகவும், டீசல் லிட்டருக்கு ரூ.78.36 காசுகளாகவும் விலை நிர்யம்

இந்தியாவிற்கு திரிகோணமலை துறைமுகத்தை வழங்க திட்டமா?: இலங்கை பிரதமர் விளக்கம்

srilanka-prime-minister-ranil-wickremesinghe-insisted-that-there-is-no-move-to-give-the-trincomalee-harbour-to-india

திரிகோணமலை துறைமுகத்தை இந்தியாவிற்கு வழங்கும் எந்தவித உடன்படிக்கையும் கையெழுத்தாகவில்லை என இலங்கை பிரதமர் ரணில் விக்கிரமசிங்கே தெரிவித்துள்ளார். 

திரிகோணமலை இலங்கையின் கிழக்குப் பகுதியிலுள்ள முக்கிய நகரங்களில் ஒன்றாகும். இந்த நகரில் அமைந்துள்ள இயற்கை துறைமுகம் பண்டய காலம் முதலே பிரபலமான துறைமுகமாக இருந்துள்ளது. இந்த துறைமுகத்தை மேம்படுத்தும் நோக்கில் பல்வேறு நாடுகளுடன் இலங்கை அரசு பேச்சுவார்த்தை நடத்த முயற்சிகளை மேற்கொண்டு வருகிறது. குறிப்பாக, இலங்கை பிரதமர் விக்கிரமசிங்கே கடந்த வாரம் இந்தியாவில் சுற்றுப்பயணம் மேற்கொண்டார். அப்போது திரிகோணமலை துறைமுகத்தை இந்தியாவிற்கு வழங்கும் திட்டம் குறித்து செய்திகள் வெளியானது. 

இந்த நிலையில், திரிகோணமலை துறைமுகத்தை இந்தியாவிற்கு வழங்கும் எந்தவித உடன்படிக்கையும் கையெழுத்தாகவில்லை என ரணில் விக்கிரமசிங்கே தெரிவித்துள்ளார். கொழும்பு நகரில் நடைபெற்ற செய்தியாளர் சந்திப்பின் போது அவர் பேசுகையில், “திரிகோணமலை இயற்கை துறைமுகப்பகுதிகளை பெறுவதில் ஜப்பானுக்கும், இந்தியாவிற்கும் போட்டிநிலை உருவாகியிருக்கிறது. இந்தியாவுக்கு திரிகோணமலை எண்ணெய் கிணறுகளை வழங்கும் உடன்படிக்கை மட்டுமே எட்டப்பட்டுள்ளது. இந்தியாவிலிருந்து திரிகோணமலை துறைமுகத்திற்கு பொருட்களைக் கொண்டுவந்து மீண்டும் வேறு நாடுகளுக்கு கொண்டுசெல்ல தயார் என்றால் அதற்கான அனுமதி அளிப்பதில் பிரச்சினையில்லை. ஆனால், திரிகோணமலை துறைமுகத்தை இந்தியாவிற்கு வழங்கும் எந்தவித உடன்படிக்கையும் இன்னும் கையெழுத்திடப்படவில்லை” என்று கூறினார்.

Advertisement:
Advertisement:
Advertisement:
[X] Close