[X] Close
JUST IN
  • BREAKING-NEWS நடிகை ஸ்ரீ தேவி மறைவுக்கு பிரதமர் நரேந்திர மோடி தனது ட்விட்டர் பக்கத்தில் இரங்கல்
  • BREAKING-NEWS தமிழில் விஜய் நடிப்பில் ஸ்ரீதேவி நடித்து வெளியான புலி திரைப்படமே அவரின் கடைசி படமாகும்
  • BREAKING-NEWS ஸ்ரீதேவியின் மறைவுக்கு தமிழ் மற்றும் இந்தி நடிகைகள் ட்விட்டரில் இரங்கல் தெரிவித்துள்ளனர்
  • BREAKING-NEWS நடிகை ஸ்ரீதேவி திடீர் மாரடைப்பு காரணமாக துபாயில் காலமானார். 
  • BREAKING-NEWS தென்னாப்பிரிக்க அணிக்கு எதிரான 3ஆவது டி20 கிரிக்கெட் போட்டியில் இந்திய அணி பேட்டிங்
  • BREAKING-NEWS நடிகர்கள் அரசியலுக்கு வரக்கூடாது எனும் விவாதம் தேவையில்லாதது, மக்கள்தான் முடிவு செய்ய வேண்டும் - நடிகர் சிம்பு
  • BREAKING-NEWS சென்னை வரும் பிரதமர் மோடியை வரவேற்க முதல்வர், துணை முதல்வர் சென்னை விமான நிலையம் வருகை

தனிமனித சுதந்திரம் பா‌திக்கப்படுமா? பிரான்ஸின் புதிய பாதுகாப்பு மசோதா

emergency-terror-measures-become-law-in-france

தனிமனித சுதந்திரத்தை பாதிக்கும் வகையில் ஒரு புதிய பாதுகாப்பு மசோதா பிரான்ஸ் நாடாளுமன்றத்தில் நிறைவேற்றப்பட்டுள்ளது.

பிரான்ஸ் நாடாளுமன்றத்தின் கீழவையில் சர்ச்சைக்குரிய பாதுகாப்பு மசோதா வாக்கெடுப்பு மூலம் நிறைவேற்றப்பட்டது. இம்மசோதாவுக்கு ஆதரவாக 415 வாக்குகளும், எதிராக 127 வாக்குகளும் கிடைத்தன. 19 பேர் வாக்கெடுப்பில் பங்கேற்கவில்லை. அடுத்‌ததாக இம்மசோதா மேலவையின் ஒ‌ப்புதலுக்கு அனுப்பி‌ வைக்கப்படுகிறது. அங்கு நிறைவேறியதும், மீண்டும்‌ கீழவையில் தாக்கல் செய்யப்பட்டு சட்டமாகும்.

கடந்த 2015 ஆம் ஆண்டு பாரீஸில் நடந்த பயங்கரவாத தாக்குதலில் 130 பேர் உயிரிழந்ததை தொடர்ந்து அவசர நிலை பிரகடனப்படுத்தப்பட்டது. அவசர நிலை 6 முறை நீட்டிக்கப்பட்டது. அவசர நிலையின் போது, காவல்துறையினருக்கு கூடுதல் அதிகார‌ங்கள் வ‌ழங்கப்பட்டன. அத்தகைய நடவடிக்கைகளை ‌நிரந்த‌ரப்படுத்தும் வகையில் இச்சட்டம் கொண்டு வரப்பட உள்ளது. 

இந்த புதிய சட்டம் அமலுக்கு வந்தால், ரயில் நிலையங்கள், விமான நிலையங்கள் உள்ளிட்ட மக்கள் அதிகம் கூடும் இடங்களில் எப்போது வேண்டுமானாலும், யாருடைய உடமையாக இருந்தாலும் சோதனை செய்யலாம். சிறையிலிருந்து விடுதலையாகி உள்ளவர்கள், தினமும் காவல் நிலையம் சென்று கையெழுத்திட வேண்டும். எந்த வாகனத்தையும், எப்போது வேண்டுமானாலும் சோதனை செய்யலாம். அதேபோல, மசூதி மற்றும் இதர வழிபாட்டுத் தளங்களில் அடிப்படைவாதக் கொள்கைகளை ஊக்குவிக்கும் வகையில் பேசினால், உடனடியாக அந்த வழிபாட்டுத் தளங்களை மூடமுடியும். இதுபோன்ற நடவடிக்கைகளால் தனி நபர்‌களி‌ன் சுதந்திரம் பா‌திக்கப்படலாம் என சிலர் எதிர்ப்பு தெரிவித்துள்ளனர்.

Advertisement:
Advertisement:
Advertisement:
[X] Close