[X] Close
JUST IN
  • BREAKING-NEWS ஜெயலலிதா மரணம் குறித்து விசாரிப்பதற்காக அமைக்கப்பட்ட விசாரணை ஆணையத்தால் எவ்வித பயனும் இருக்கப்போவதில்லை: ஸ்டாலின்
  • BREAKING-NEWS ஐ.நா மனித உரிமை கவுன்சில் கூட்டத்தில் வைகோவை சிங்களர்கள் தாக்க முயன்றதற்கு ஸ்டாலின் கண்டனம்
  • BREAKING-NEWS நாட்டில் தற்போது மின் பற்றாக்குறை என்பதே இல்லை: பிரதமர் மோடி
  • BREAKING-NEWS நாட்டில் உள்ள அனைத்து வீடுகளுக்கும் மின் இணைப்பு வழங்கும் சவுபாக்யா யோஜனா திட்டம் தொடக்கம்
  • BREAKING-NEWS மருத்துவப் பணியாளர் தேர்வு வாரியம் மூலம் 744 சிறப்பு மருத்துவர்கள் விரைவில் தேர்வு : அமைச்சர் விஜயபாஸ்கர்
  • BREAKING-NEWS ஜெயலலிதா மரணம் குறித்து விசாரிக்க ஓய்வு பெற்ற நீதிபதி ஆறுமுகசாமி தலைமையில் விசாரணை கமிஷன்
  • BREAKING-NEWS நடிகர் சிவாஜி கணேசன் மணி மண்டபம் அக்டோபர் 1ஆம் தேதி திறப்பு
  • BREAKING-NEWS பதவியை தக்க வைத்துக் கொள்வதிலேயே ஆட்சியாளர்கள் குறியாக இருக்கிறார்கள்: ஸ்டாலின்
  • BREAKING-NEWS அத்திப்பட்டு புதுநகர் அருகே சங்கமித்ரா விரைவு ரயில் மீது மின்கம்பி அறுத்து விழுந்தது
  • BREAKING-NEWS ஜெயலலிதா மறைந்ததும் அதிமுகவை சிறு சலசலப்பும் இல்லாமல் கட்டிக் காத்தவர் சசிகலா: டிடிவி தினகரன்
  • BREAKING-NEWS வடகொரியா உள்பட 8 நாட்டுக்கு அமெரிக்கா தடை
  • BREAKING-NEWS செந்தில் பாலாஜி எம்எல்ஏவின் ஆதரவாளர்கள் 11 பேருக்கு வருமான வரித்துறை சம்மன்
  • BREAKING-NEWS ரூ.50,000க்கும் மேல் பட்டாசு வாங்க ஆதார் அவசியம்
  • BREAKING-NEWS டெல்லியில் பா.ஜ.க தேசிய செயற்குழு 2வது நாளாக ஆலோசனை
உலகம் 11 Sep, 2017 03:31 PM

மியான்மர் இனப்படுகொலை: அரசியல் தீர்வு காண சர்வதேச நாடுகளிடம் வங்கதேசம் கோரிக்கை

myanmar-genocide-bangladesh-has-requested-the-international-community-to-find-a-political-solution

மியான்மரில் இனப்படுகொலை நிகழ்த்தப்பட்டு வருவதாக வங்கதேசம் கடுமையாக குற்றம்சாட்டியுள்ளது. 

ரோஹிங்யா இஸ்லாமியர்களுக்கு எதிராக மியான்மர் ராணுவம் மேற்கொண்டுள்ள அடக்குமுறை குறித்து மேற்கத்திய மற்றும் அரபு நாடுகளின் தூதர்களிடம் வங்கதேச வெளியுறவு அமைச்சர் முகமது அலி எடுத்துரைத்தார். மியான்மரில் இருந்து வங்கதேசத்திற்கு குடிபெயர்ந்துள்ள அகதிகளின் எண்ணிக்கை 7 லட்சமாக உயர்ந்துள்ளதாக கூறிய அவர், இது உள்நாட்டு பிரச்னையாக மாறியுள்ளதாக தெரிவித்தார். தற்போதைய வன்முறையால் 3 ஆயிரம் மக்கள் கொல்லப்பட்டிருப்பதாக கூறிய அமைச்சர், இந்த பிரச்னையை அரசியல் ரீதியாக தீர்க்க சர்வதேச நாடுகள் உதவ வேண்டும் எனவும் வலியுறுத்தினார்.

மியான்மரில் நடைபெற்றுவரும் வன்முறையால் அங்கிருந்து வங்கதேசத்திற்கு இடம்பெயரும் ரோஹிங்யா இஸ்லாமியர்களின் எண்ணிக்கை நாளுக்குநாள் அதிகரித்து வருகிறது. இதனால், அவர்களுக்கு உணவு, மருந்து, உறைவிடம் உள்ளிட்ட நிவாரணப் பணிகளை அளிப்பதில் கடும் சிரமம் ஏற்பட்டுள்ளது. பெரும்பாலான அகதிகள், போதிய உணவும், உறைவிடமும் இல்லாமல் தவித்து வருகின்றனர். அவர்களுக்கு அடிப்படை வசதிகளை செய்துதர ஐநா வலியுறுத்தியுள்ளது. இதையடுத்து, அங்கு உணவு, மருந்து உள்ளிட்ட அடிப்படை வசதிகளை செய்துகொடுக்க நடவடிக்கை எடுக்கப்பட்டு வருகிறது. சட்டவிரோதமாக குடியேறியதாகக் கூறி ரோஹிங்யா இஸ்லாமியர்களுக்கு குடியுரிமை அளிக்க மியான்மர் அரசு மறுத்து வருகிறது. இதனால், ரோஹிங்யா கிளர்ச்சியாளர்களுக்கும், மியான்மர் ராணுவத்திற்கும் இடையே கடும் சண்டை நடைபெற்று வருகிறது. இந்த மோதலால் பொதுமக்கள் 3 லட்சம் பேர் வங்கேதேச நாட்டிற்கு அகதிகளாக இடம்பெயர்ந்துள்ளனர்.

இதனிடையே, ரோஹிங்யா இஸ்லாமியர்களுக்கு ஆதரவாக பிரிட்டன் தலைநகர் லண்டனில் போராட்டம் நடைபெற்றது. லண்டனில் மியான்மர் தூதரக அலுவலகம் முன் திரண்ட நூற்றக்கணக்கான மக்கள், மியான்மர் அரசுக்கு எதிராக முழக்கமிட்டனர். ரோஹிங்யா இஸ்லாமியர்கள் மீதான ராணுவ அடக்குமுறை நிறுத்தப்பட வேண்டும் என அவர்கள் வலியுறுத்தினர். இந்த விவகாரத்தில் சர்வதேச நாடுகள், மியான்மர் அரசுக்கு அழுத்தம் கொடுக்க வேண்டும் எனவும் போராட்டக்காரர்கள் வலியுறுத்தினர். அமைதிக்கான நோபல் பரிசு வென்ற ஆங் சான் சூச்சி தலைமையிலான அரசில், இதுபோன்று அடக்குமுறை நிகழ்த்தப்படுவதால் சர்வதேச அளவில் அவர் கடுமையான விமர்சனத்திற்குள்ளாகியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close