வந்துவிட்டது புத்தாண்டு... பொதுமக்கள் உற்சாக வரவேற்பு

உலகின் பல்வேறு நாடுகளில் ஆங்கில புத்தாண்டு பிறந்துள்ளது.பொதுமக்கள் உற்சாகமாக புத்தாண்டை வரவேற்றனர்.

உலகிலேயே முதலாவதாக நியூசிலாந்து மற்றும் சில தீவுகளில் 2017 ஆம் ஆண்டு பிறந்தது. தலைநகர் ஆக்லாந்தில் நள்ளிரவின் இறுதி நொடிகள் முடிந்து புத்தாண்டு பிறந்ததும் வாணவேடிக்கைகள் இரவை பகலாக்கின. இந்திய நேரப்படி சரியாக 4.30 மணிக்கு நியூசிலாந்தில் புத்தாண்டு பிறந்தது. கவுண்டன் முடிந்ததும் மக்கள் ஒருவருக்கொருவர் வாழ்த்துக்களை கூறி புத்தாண்டை வரவேற்று மகிழ்ந்தனர். நியூசிலாந்தை தொடர்ந்து, ஆஸ்திரேலியாவிலும் ஆங்கிலப் புத்தாண்டு பிறந்தது. தலைநகர் கான்பெராவில் வாண வேடிக்கைகள் நிகழ்த்தப்பட்டன. சிட்னியில் திரண்டிருந்த ஆயிரக்கணக்கான மக்கள், கோலாகலமாக புத்தாண்டை வரவேற்று கொண்டாடினர். ஒருவருக்கொருவர் வாழ்த்துகளை பறிமாறிக் கொண்டனர். ஆஸ்திரேலியா முழுவதும் புத்தாண்டுக் கொண்டாட்டங்கள் களைக்கட்டியுள்ளன.