[X] Close
JUST IN
  • BREAKING-NEWS கஜா புயல் பாதிப்புக்கு பிரதமரை சந்தித்து நிவாரண நிதி கோர டெல்லி புறப்பட்டார் முதலமைச்சர் பழனிசாமி
  • BREAKING-NEWS ஓசூர் அருகே தம்பதி ஆணவக்கொலை செய்யப்பட்ட விவகாரத்தில் சூடுகொண்டப்பள்ளியில் நந்தீஷ் பெற்றோரிடம் எஸ்.சி., எஸ்.டி ஆணைய துணைத்தலைவர் முருகன் விசாரணை
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை

அமெரிக்க அதிபர் தேர்தல்: ஹிலரி முன்னிலை

us-election-hilary-presence

உலகமே உற்றுநோக்கும் அமெரிக்க அதிபர் தேர்தல் இன்று நடைபெறுகிறது. இதற்கான வாக்குப்பதிவு இந்திய நேரப்படி மாலை 4 மணி அளவில் அமெரிக்காவின் பல்வேறு மாகாணங்களிலும் தொடங்குகிறது. இத்தேர்தலில் ஜனநாயகக் கட்சியின் சார்பில் போட்டியிடும் ஹிலரி கிளின்டன் கருத்துக்கணிப்புகளில் முன்னிலை பெற்றுள்ளார்.

தேர்தல் தொடர்பாக சிபிஎஸ் நியூஸ் வெளியிட்டுள்ள கருத்துக்கணிப்பு முடிவுகளின் படி ஹிலரிக்கு 45 சதவிகிதம் பேர் ஆதரவு தெரிவித்துள்ளனர். குடியரசுக் கட்சி சார்பில் போட்டியிடும் டொனால்டு ட்ரம்ப்பிற்கு 41 சதவிகித மக்கள் ஆதரவு தெரிவித்துள்ளனர். இந்தக் கருத்துக்கணிப்பு நவம்பர் 2 முதல் 6 வரையிலான காலகட்டத்தில் தொலைபேசி வாயிலாக நடத்தப்பட்டதாக சிபிஎஸ் நியூஸ் தெரிவித்துள்ளது.

‌இந்நிலையில் டிக்ஸ்வில்லி நாட்ச்சில் நடந்த பராம்பரிய நள்ளிரவு வாக்குப்பதிவில் ஹிலரி கிளின்டன் அதிக வாக்குகளைப் பெற்றுள்ளார். மொத்தம் எட்டு வாக்களர்கள் மட்டுமே வாக்களித்த நிலையில் ஹிலரிக்கு நான்கு வாக்குகளும், டொனால்டு ட்ரம்பிற்கு இரண்டு வாக்குகளும் கிடைத்துள்ளன. ஒரு வாக்கு விடுதலைக் கட்சியைச் சேர்ந்த கேரி ஜான்சனுக்கு கிடைத்த நிலையில், ஒருவர் கடந்த அதிபர் தேர்தலில் போட்டியிட்ட மிட் ரோம்னிக்கு வாக்களித்துள்ளதாகத் தகவல்கள் வெளியாகி உள்ளன.

கனடா எல்லை மற்றும் மெய்ன் மாகாணங்களுக்கு இடையில் அமைந்துள்ள இந்த நகரில் மற்ற மாகாணங்களில் அதிபர் தேர்தல் தொடங்குவதற்கு முன்பு வாக்குப்பதிவு நடந்து முடிவதோடு முடிவுகளும் அறிவிக்கப்படும். கடந்த 2000, 2004 மற்றும் 2008ஆம் ஆண்டு தேர்தல்களில் இந்த நகரில் வெற்றி பெற்றவர்களே அதிபர்களாகி இருக்கின்றனர் என்பது குறிப்பிடத்தக்கது.

Advertisement:
Advertisement:
Advertisement:
[X] Close