[X] Close
JUST IN
  • BREAKING-NEWS கர்நாடக சட்டப்பேரவையில் நாளை நம்பிக்கை வாக்கெடுப்பு நடைபெற வாய்ப்பு இல்லை - கர்நாடக காங்கிரஸ் தலைவர் தினேஷ் குண்டுராவ்
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா
  • BREAKING-NEWS தமிழ்நாடு திரைப்பட இயக்குநர் சங்கத்தேர்தலில் தலைவர் பதவிக்கு போட்டியிட்ட ஆர்.கே.செல்வமணி வெற்றி
  • BREAKING-NEWS இந்தோனேஷியா ஓபன் பேட்மிண்டன்: வெள்ளிப்பதக்கம் வென்றார் சிந்து
  • BREAKING-NEWS ''அதிமுகவின் உண்மையான தொண்டர்கள் திமுகவில் இணைய வேண்டும்'' - திமுக தலைவர் ஸ்டாலின்

ஐம்பது ஆண்டுகள் தாமதமாக போஸ்ட் கார்டை டெலிவரி செய்த தபால் துறை

australia-post-apologises-after-delivering-postcard-50-years-late

ஐம்பது ஆண்டுகள் தாமதமாக அஞ்சல் அட்டை ஒன்றை டெலிவரி செய்த சம்பவத்துக்கு ஆஸ்திரேலிய தபால் துறை மன்னிப்பு கோரியுள்ளது.

தெற்கு பசிபிக் தீவில் உள்ள டஹிடியில் இருந்து தெற்கு ஆஸ்திரேலியாவில் அடிலெய்டில் என்னும் இடத்திற்குக் கடந்த 1966-ல் அஞ்சல் அட்டை ஒன்று அனுப்பப்பட்டது. இந்த அஞ்சல் அட்டையைக் கிட்டத்தட்ட அரை நூற்றாண்டுக்கு பின் ஆஸ்திரேலியா தபால் துறை உரியவரிடம் கொண்டு சேர்க்க முயற்சி செய்துள்ளது.

அடிலெய்டில் உள்ள தபால் பெட்டி ஒன்றில் இந்த அஞ்சல் அட்டையைக் கண்ட டிம் டஃபி எனபவர் அதிர்ச்சியடைந்துள்ளார். இதுகுறித்து அவர் கூறுகையில், அந்த கடிதம் கிறிஸ் என்பவரிடம் இருந்து ராபர்ட் ஜியோர்ஜியோ என்பவருக்கு 1966 ஆம் ஆண்டு அனுப்பப்பட்டுள்ளது. அந்த கடிதம் மிகவும் மங்கிய நிலையில் காணப்படுகிறது எனவும் அவர் கூறினார். மேலும், அந்த கடிதத்தில் கிறிஸ் ஈரப்பதமான வானிலையை மிகவும் மகிழ்ச்சியாக அனுபவிப்பதாக தெரிவித்துள்ளார். 1950ஆம் ஆண்டுகளில் அஞ்சல் அட்டைகளில் பிரபலமான பிளாக் டொனால்ட் கட்டிடம், ப்யாபீட் நதிக்கரை போன்ற புகைப்படங்கள் அந்த அஞ்சல் அட்டையில் இடம்பெற்றுள்ளது.

இது குறித்து ஆஸ்திரேலிய தபால் துறையின் செய்திதொடர்பாளர் கூறுகையில், சரியான நேரத்தில் பாதுகாப்பான மற்றும் திறமையான முறையில் விநியோகம் செய்யும் பெருமை பெற்றது ஆஸ்திரேலிய தபால் துறை என்றும், இது போன்ற தவறு நடப்பது மிக அரிதான நிகழ்வே என்றும் குறிப்பிட்டுள்ளார். இந்த செயலுக்காக மன்னிப்பு கேட்பதாகவும் ஆஸ்திரேலிய தபால்துறை தரப்பில் தெரிவிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close