'தடை செய்த வலைகளை பயன்படுத்தக் கூடாது': சுஷ்மாவிடம் தமிழ்த்தேசிய கூட்டமைப்பு வலியுறுத்தல்

மீனவர் பிரச்னையை தீர்க்க இந்திய அரசு நடவடிக்கை எடுக்க வேண்டும் என தமிழ்த்தேசிய கூட்டமைப்பு வலியுறுத்தி உள்ளது. இலங்கை சென்றிருந்த வெளியுறவுத் துறை அமைச்சர் சுஷ்மா ஸ்வராஜ் ‌இலங்கை எதிர்க்கட்சித் தலைவரும் தமிழ்த்தேசிய கூட்டமைப்பின் தலைவருமான இரா.சம்பந்தனை சந்தித்துப் பேசினார்.

இலங்கைத் தமிழரின் தற்போதைய நிலை பற்றி சுஷ்மாவிடம் சம்பந்தன் விளக்கினார். பின்னர் செய்தியாளர்களிடம் பேசிய சம்பந்தன்‌ , மீள்குடியேற்றம் மற்றும் நிலங்களை ஒப்படைப்பது போன்ற நடவடிக்கைகளில் தற்போதைய அரசின் செயல்பாடுள் குறித்து சுஷ்மாவிடம் எடுத்துக்கூறியதாக தெரிவித்தார். தடைசெய்யப்பட்ட வலைகள் பயன்படுத்துவதை தமிழக மீனவர்கள் தவிர்க்க வேண்டும் என்பதை வலியுறுத்தியதாகவும் சம்பந்தன் கூறினார்.