[X] Close
JUST IN
  • BREAKING-NEWS மாநிலங்களவையிலும் நிறைவேறியது குடியுரிமை சட்டத் திருத்த மசோதா
  • BREAKING-NEWS காஷ்மீர் சட்டப்பிரிவு நீக்கம், முத்தலாக் போலவே குடியுரிமை மசோதாவும் இஸ்லாமியர்களுக்கு எதிரானதல்ல - உள்துறை அமைச்சர் அமித்ஷா
  • BREAKING-NEWS மக்களை சந்திக்க திமுக என்றுமே அஞ்சியதில்லை; நாங்கள் ஓடி ஒளியவும் இல்லை; மக்களை சந்திக்க திமுக எப்போதும் தயாராக உள்ளது - மு.க.ஸ்டாலின்
  • BREAKING-NEWS குடியுரிமை சட்ட மசோதா இஸ்லாமியர்கள் உள்ளிட்ட எந்த சிறுபான்மையினருக்கும் எதிரானதல்ல - அமித்ஷா
  • BREAKING-NEWS வெளிநாட்டு இஸ்லாமியர்கள் இந்தியாவில் குடியுரிமை பெற வேறு சில சட்ட வாய்ப்புகள் உள்ளன - அமித்ஷா

காஞ்சிபுரம் பெண் நெசவாளருக்கு தேசிய விருது

national-award-for-tn-women-handloomer

சிறந்த கைத்தறி நெசவாளர்களுக்கான தேசிய விருதுக்கு இந்திய அளவில் தேர்வாகி உள்ள 11 நெசவாளர்களில், காஞ்சிபுரத்தைச் சேர்ந்த பெண் நெசவாளரும் ஒருவர்.

மத்திய அரசின் கைத்தறி மற்றும் துணிநூல் துறை, 2014-ஆம் ஆண்டு முதல், சிறந்த கைத்தறி துணிகளை நெய்த நெசவாளர்களுக்கு, தேசிய விருது மற்றும் சான்றிதழ்களை வழங்கி, கவுரவித்து வருகிறது. 2017-ஆம் ஆண்டுக்கான சிறந்த கைத்தறி நெசவாளர் விருதுக்கு, இந்திய அளவில், 11 பேரின் பெயர்கள் அறிவிக்கப்பட்டுள்ளன. இவர்களில் காஞ்சிபுரம் பிள்ளையார்பாளையம் பகுதியைச் சேர்ந்த கீதா என்ற நெசவாளியும் ஒருவர்.

திருவள்ளுவர் பட்டு கைத்தறி சங்கத்தின் உறுப்பினரான இவர், தமிழகத்தில் இருந்து இந்த விருதுக்கு தேர்வாகியுள்ள ஒரே பெண் நெசவாளர் என்ற பெருமையை பெற்றுள்ளார். கோர்வை ரக பட்டுச்சேலை நெசவுக்காக கீதாவுக்கு இந்த விருது வழங்கப்படுகிறது.

பெரும்பாலான பட்டு சேலைகளில், ஒரே இழையிலேயே உடல் பகுதியிலும், கரை பகுதியிலும் நெசவு செய்யப்படும். ஆனால், கோர்வை ரக பட்டு சேலைகளில் மட்டும், கரை பகுதி, உடல் பகுதிக்கென, தனி பட்டு இழைகளை பயன்படுத்தியும், நான்கு நாடாக்களை பயன்படுத்தியும், நெய்யப்படும். அதிக வேலைப்பாடுகளுடன், கோர்வை ரக சேலை நெய்யப்படுவதால், காஞ்சிபுரத்தில் இந்த சேலை அரிதாகவே கிடைக்கும். அப்படிப்பட்ட நெசவுக்காக கீதாவை தேசிய விருது நாடி வந்திருக்கிறது.  30 ஆயிரம் ரூபாய்க்கும் அதிக மதிப்புள்ளது இந்த கோர்வை ரக பட்டுப்புடவை என்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close