[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

''ஒரு சாதாரண பஸ் கண்டக்டர் நான்...'' - 2013-ம் ஆண்டே அதிசயம் குறித்து பேசிய ரஜினிகாந்த்!

rajnikanth-s-old-speech-video-goes-viral-in-social-media

2013-ம் ஆண்டு விருது விழா ஒன்றில் தன் வாழ்வின் அதிசயம் குறித்து பேசிய ரஜினிகாந்தின் வீடியோ தற்போது வைரலாகி வருகிறது.

சினிமாவில் நடிகர் கமல்ஹாசன் 60 ஆண்டுகளை நிறைவு செய்துள்ளதைக் கொண்டாடும் வகையில் 'உங்கள் நான்' எனும் நிகழ்ச்சி சென்னையில் நடைபெற்றது. இதில் நடிகர்கள் ரஜினிகாந்த் உள்ளிட்ட பலர் கலந்து கொண்டனர். அப்போது பேசிய ரஜினிகாந்த், “எடப்பாடி பழனிசாமி முதலமைச்சர் ஆவோம் என கனவில் கூட நினைத்திருக்கமாட்டோம். ஆனால் அதிசயம் நடந்தது. தமிழக அரசு நான்கைந்து மாதங்களில் கவிழ்ந்துவிடும் என்று 99 சதவீதம் பேர் சொன்னார்கள். ஆனால் அதிசயம் நடந்து தடைகளை தாண்டி ஆட்சி நீடித்து வருகிறது. அதைபோன்ற அதிசயம் இன்றும் நடக்கிறது. நாளையும் நடக்கும்” என்றார். 

இது குறித்து பேருந்து நடத்துநராக வாழ்க்கையைத் தொடங்கிய ரஜினிகாந்த், கன்னித்தமிழ் பூமியின் சூப்பர் ஸ்டார் ஆவோம் என கனவில்கூட நினைத்திருக்க மாட்டார் என அதிமுகவின் நாளேடான நமது அம்மா தெரிவித்துள்ளது. ‘ஆச்சரியம் பூச்சொரியும் எடப்பாடியாரும், சூசக ஆரூடம் சொன்ன சூப்பர் ஸ்டாரும்’ என்ற தலைப்பில் நமது அம்மா நாளேட்டில் கட்டுரை வெளியாகியுள்ளது. 

எடப்பாடி பழனிசாமியின் ஆட்சி நீடிக்கும் அதிசயம் தொடரும் என்பதைத்தான் நாளையும் நடக்கப்போகிற அதிசயம் என ரஜினிகாந்த் சூசகமாக கூறியிருப்பதாக நமது அம்மா தெரிவித்துள்ளது. மேலும், முதலமைச்சர் பதவி என்பது சினிமாவின் முதல் காட்சியில் ஆசைப்‌பட்டு மூன்றாவது காட்சியிலேயே கைக்கு எட்டி விடுகிற கற்பனை நாற்காலியல்ல என கமலுக்கும் ரஜினி சுட்டிக்காட்டியிருப்பதாக கட்டுரையில் கூறப்பட்டுள்ளது. 

பேருந்து நடத்துநராக வாழ்க்கையை தொடங்கிய ரஜினியும் தமிழ் சினிமாவின் சூப்பர் ஸ்டார் ஆவோம் என கனவில் கூட நினைத்திருக்க மாட்டார் என்று கூறியுள்ள நமது அம்மா, சினிமா வாய்ப்பு வரும் முன்பே முதல்வராக ஆசைப்படும் ரீல் தலைவர்களுக்கு மத்தியில் எடப்பாடி பழனிசாமி ஒரு ரியல் தலைவர் என்பதை வரலாறு உணர்த்துவதாகவும் கூறப்பட்டுள்ளது.

இதற்கிடையே ரஜினி தன் வாழ்வில் ஏற்பட்டதே ஒரு அதிசயம் என 2013-ம் ஆண்டே மேடையில் பேசியுள்ளார்.  விருது விழா ஒன்றில் பேசும் ரஜினி, ''பலருக்கும் அதிசயங்களில் நம்பிக்கை இல்லாமல் இருக்கலாம். ஆனால் அதிசயங்கள் நடக்கும். ஒரு சாதாரண பஸ் கண்டக்டர் இத்தனை உயர்ந்த மனிதர்களோடு ஒரே மேடையில் இருப்பதே அதிசயம்தான்'' என தெரிவித்துள்ளார். அது தொடர்பான வீடியோவும் தற்போது வைரலாகி வருகிறது. 

Advertisement:
இது தொடர்பான செய்திகள் :
Advertisement:
Advertisement:
[X] Close