[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

“ஜாதியை காரணம் காட்டி எங்களை பிரிக்க பார்க்கிறார்கள்” - இளம் தம்பதி ஆட்சியரிடம் புகார்

dindigul-love-jodi-complaint-to-collector-office

காதல் திருமணம் செய்ததால் ஜாதி வேறுபாடு காட்டி தன்னையும் தன் கணவரையும் கொலை செய்ய முயற்சி செய்வதாக தன் பெற்றோர் மீது நடவடிக்கை எடுக்கக்கோரி இளம்பெண் ஒருவர் கணவருடன் மாவட்ட ஆட்சியரிடம் புகார் மனு அளித்துள்ளார். 

கரூர் மாவட்டம் வேலுச்சாமி புரத்தைச் சேர்ந்தவர் சுந்தரராஜன். இவரது மகள் சுருதியும் திண்டுக்கல் மாவட்டம் குஜிலியம்பாறை காந்தி நகரைச் சேர்ந்த சோலைமலை என்பவரின் மகன் விஜயன் என்பவரும் கடந்த ஆண்டு ஜூலை மாதம் காதலித்து திருமணம் செய்து கொண்டனர். இருவரும் வெவ்வேறு சமூகத்தை சேர்ந்தவர்கள் என்பதால் சுருதியின் பெற்றோர் காதல் திருமணத்திற்கு எதிர்ப்பு தெரிவித்து விஜயன் வீட்டிற்கு சென்று தகராறு செய்ததோடு சுருதியையும் அழைத்துச் சென்று விட்டதாக தெரிகிறது.  

கடந்த ஒரு வருடமாக வீட்டில் சுருதியை அவரது பெற்றோர் அடைத்து வைத்திருந்ததாகவும் கூறப்படுகிறது. இதையடுத்து கடந்த 8 நாட்களுக்கு முன்பு கரூரிலிருந்து தப்பி வந்த சுருதி தனது காதல் கணவரிடம் தஞ்சம் அடைந்துள்ளார்.

இந்நிலையில், சுருதி இன்று தனது காதல் கணவர் விஜயனுடன் திண்டுக்கல் மாவட்ட ஆட்சியர் அலுவலகத்தில் புகார் மனு ஒன்றை அளித்துள்ளார். அதில், “தன்னை தனது காதல் கணவருடன் வாழ விடாமல் தனது பெற்றோரும் உறவினர்களும் தொடர்ந்து மிரட்டி வருவதால் தங்களது உயிருக்கு பாதுகாப்பு இல்லாத சூழ்நிலை உள்ளது. எனவே தனது பெற்றோர் மீது உரிய நடவடிக்கை எடுக்க வேண்டும்” தெரிவிக்கப்பட்டிருந்தது. 

Advertisement:
இது தொடர்பான செய்திகள் :
Advertisement:
Advertisement:
[X] Close