[X] Close
JUST IN
  • BREAKING-NEWS தெலங்கானா போலீஸ் நீதியை நிலைநாட்டியிருக்கிறது - நடிகை நயன்தாரா
  • BREAKING-NEWS தமிழகத்தில் டிசம்பர் 27,30-ஆம் தேதிகளில் ஊரக உள்ளாட்சித் தேர்தல்
  • BREAKING-NEWS ஜிஎஸ்டியின் அடிப்படை வரி விகிதங்களை உயர்த்த மத்திய அரசு திட்டம்
  • BREAKING-NEWS 200 ரூபாயை தாண்டியது ஒரு கிலோ வெங்காயத்தின் விலை

 “நான் இந்துகளுக்கு எதிரானவன் அல்ல” - திருமாவளவன்

thirumavalavan-speech-about-hindu

பாஜக, பிரதமர் மோடி அரசுக்கு எதிராக நான் முன்வைக்கும் கருத்துகளை இந்து சமுதாயத்திற்கு எதிராக பேசுவது போன்று உருவாக்குகின்றனர் என விசிக கட்சியின் தலைவர் திருமாவளன் தெரிவித்துள்ளார். 

காஞ்சிபுரம் மாவட்டம் திருப்போரூரில் விடுதலை சிறுத்தைகள் கட்சியின் தலைவர் திருமாவளவன் செய்தியாளர்களை சந்தித்தார். அப்போது, “ஐ.ஐ.டி மாணவி பாத்திமா லத்திப், பேராசிரியர்கள் ஏற்படுத்திய மன உளைச்சலுக்கு ஆளாக்கப்பட்டு தற்கொலை செய்துள்ளார். இதுபோன்ற தற்கொலைகளை தடுக்க மத்திய அரசு விசாரணை கமிஷன் அமைக்க வேண்டும். 

தென்பெண்ணை ஆற்றில் அணை கட்ட எதிர்ப்பு தெரிவித்து தமிழக அரசு உச்சநீதிமன்றத்தில் தாக்கல் செய்த மனுவை தள்ளுபடி செய்து அதனுடைய துணை நதியில் அணை கட்ட அனுமதி அளித்துள்ளது. உடனடியாக மத்திய அரசு பேச்சுவார்த்தை மூலம் இதற்கு தீர்வு காண வேண்டும். 

நான் இந்துகளுக்கு எதிரானவன் என்று அவதூறு பரப்பி வருகின்றனர். பாஜக, பிரதமர் மோடி அரசுக்கு எதிராக நான் முன்வைக்கும் கருத்துகளை இந்து சமுதாயத்திற்கு எதிராக பேசுவது போன்று உருவாக்குகின்றனர். அவர்கள் எண்ணம் பலிக்காது. நான் இந்துகளுக்கு எதிரானவன் அல்ல. என்னை பின்பற்றுவர்களில் 80 சதவீதத்திற்கும் அதிகமானோர் இந்துக்கள்தான்” எனத் தெரிவித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close