[X] Close
JUST IN
  • BREAKING-NEWS ஊரக உள்ளாட்சித் தேர்தலில் போட்டியிடும் வேட்பாளர்கள் பட்டியலை வெளியிட்டது அதிமுக
  • BREAKING-NEWS ராஜீவ்காந்தி கொலை வழக்கில் சிறையில் உள்ள நளினி உயர்நீதிமன்றத்தில் ஆட்கொணர்வு மனு தாக்கல்
  • BREAKING-NEWS சென்னை ஐஐடியில் மாணவர்களின் தற்கொலைகள் குறித்த வழக்கை சிபிஐ விசாரணைக்கு மாற்றக்கோரிய மனுவை உயர்நீதிமன்றம் தள்ளுபடி செய்தது
  • BREAKING-NEWS ராகுல்காந்தி மீது நடவடிக்கை எடுக்கக்கோரி தேர்தல் ஆணையத்தில் பாஜக சார்பில் ஸ்மிருதி இரானி புகார் மனு
  • BREAKING-NEWS உள்ளாட்சித் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கியது மாநில தேர்தல் ஆணையம்
  • BREAKING-NEWS உள்ளாட்சித் தெர்தலில் மதிமுகவிற்கு பம்பரம் சின்னம் ஒதுக்கியது மாநில தேர்தல் ஆணையம்
  • BREAKING-NEWS தமிழகத்தை சேர்ந்த ஐஏஎஸ் அதிகாரி சோமநாதன் மத்திய நிதி அமைச்சக செயலாளராக நியமனம்

தத்தெடுத்த பிள்ளையை காசநோயால் ஒதுக்கி வைத்தார்களா..?: கைகொடுத்த நண்பர்கள்..!

tuberculosis-affected-son-evicted-from-home-in-teni

தேனியில் காசநோயால் பாதிக்கப்பட்ட இளைஞர் ஒருவரை குடும்பத்தினர் கைவிட்டதால் நண்பர்கள் மாட்டுக்கொட்டகை அருகே தற்காலிக அறை அமைத்து பராமரித்து வந்த சம்பவம் சோகத்தை ஏற்படுத்தி உள்ளது

தேனியை சேர்ந்தவர் முத்துபாண்டி. பல வருடங்களுக்கு முன்பு மருத்துவமனையில் ஆதரவற்று கிடந்த முத்துபாண்டியை, குழந்தை இன்றி தவித்து வந்த ஒரு குடும்பத்தினர் தத்தெடுத்து வளர்த்து வந்தனர். கல்வியில் ஆர்வம் குறைந்து காணப்பட்ட முத்துபாண்டி இருசக்கர வாகனம் பழுதுபார்க்கும் கடையில் வேலை செய்து வந்துள்ளார். இந்நிலையில் முத்துபாண்டியை தத்தெடுத்த குடும்பத்தினருக்கு அடுத்தடுத்து குழந்தைகள் பிறக்கவே முத்துபாண்டியின் மீதா‌ன அவர்களது அக்கறை குறைந்தகாக கூறப்படுகிறது.

ஒரு கட்டத்தில் முத்துபாண்டி யாரிடமும் கூறாமல் குடும்பத்தினரிடமிருந்து விலகி கோவையில் உள்ள கல்குவாரியில் சேர்ந்து பணி புரிந்து வந்தார். குவாரியில் அதிகளவு மாசு மற்றும் தூசு நிறைந்த சூழலில் பணி புரிந்த முத்துபாண்டி, திடீரென உடல் நிலை பாதிக்கப்பட்டு மெலிந்து போயுள்ளார். மோசமான உடல்நிலையோடு தேனி திரும்பிய முத்துபாண்டியை, அவர் வேலைபார்த்து வந்த கடை முதலாளி செல்வம் மீட்டு மருத்துவமனைக்கு அழைத்துச் சென்றுள்ளார். அங்கு முத்துபாண்டியை பரிசோதித்த மருத்துவர்கள் அவருக்கு காசநோய் இருப்பதாகக் கூறியுள்ளனர். இது குறித்து குடும்பத்தினருக்கு தகவல் அளிக்கவே, அதிர்ச்சியடைந்த அவரது குடும்பத்தினர் முத்துபாண்டியை வீட்டிற்கே வரக்கூடாது என கைவிட்டதாக கூறப்படுகிறது.

முத்துபாண்டியை கண்டுகொள்ளவில்லை என்னும் குற்றச்சாட்டை அவரது பெற்றோர் முற்றிலும் மறுக்கின்றனர். தங்களுடன் இருக்க மனமின்றி முத்துபாண்டியே வீட்டில் இருந்து வெளியேறிவிட்டதாகவும் அவர்கள் தரப்பில் கூறப்படுகிறது. இவ்வாறான சூழ்நிலையில் இளைஞரின் அவல நிலை குறித்து மாவட்ட ஆட்சியருக்கு தகவல் அளிக்கப்பட்டது. இதையடுத்து அவரது உத்தரவின் பேரில் வட்டாட்சியர் மற்றும் கிராம நிர்வாக அலுவலர் நேரில் சென்று இளைஞரை மீட்டு, தற்போது தேனி மருத்துவக் கல்லூரி மருத்துவமனையில் சிகிச்சைக்காக சேர்த்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close