[X] Close
JUST IN
  • BREAKING-NEWS நாமக்கலில் முட்டை கொள்முதல் விலை 10 காசு குறைந்து ரூ.4.08ஆக நிர்ணயம்
  • BREAKING-NEWS 2013-2017 வரை ஆசிரியர் தகுதித் தேர்வு எழுதி வெற்றி பெற்றவர்களுக்கு மீண்டும் தேர்வு நடத்தப்படும் - அமைச்சர் செங்கோட்டையன்
  • BREAKING-NEWS உள்ளாட்சித் தேர்தலில் அமமுக சார்பில் போட்டியிட விரும்புவோர் நவ.24 முதல் 29ஆம் தேதி வரை மாவட்ட அமமுக அலுவலகங்களில் விருப்பமனு அளிக்கலாம் - டிடிவி தினகரன்
  • BREAKING-NEWS கோவையில் இளம்பெண் விபத்தில் சிக்கிய இடத்தில் கொடிக்கம்பம் ஏதும் இல்லை - உயர்நீதிமன்றத்தில் தமிழக அரசு விளக்கம்
  • BREAKING-NEWS எஸ்பிஜி பாதுகாப்பை விலக்கிக் கொள்ளும் மசோதாவை தாக்கல் செய்ய மத்திய அமைச்சரவை ஒப்புதல்
  • BREAKING-NEWS இந்தியாவிலேயே அதிக மருத்துவர்கள் கொண்ட மாநிலங்களில் தமிழகம் 2வது இடம்; மகாராஷ்டிரா முதல் இடம் - மத்திய அரசு
  • BREAKING-NEWS சிவசேனா, தேசியவாத காங்., காங்கிரஸ் இணைந்து மகாராஷ்டிராவில் ஆட்சியமைத்தாலும் நிலைக்காது - நிதின் கட்கரி

வழக்கறிஞர்கள் இல்லாமல் தாமாக நீதிமன்றத்தில் வாதம் செய்ய விதிமுறைகள் வெளியீடு

timely-argument-in-court-issue-of-rule

சென்னை உயர்நீதிமன்றத்தில், வழக்கு விசாரணையின்போது, வழக்கறிஞர்கள் உதவி இல்லாமல் தாமாக ஆஜாராகி வாதிடுவதற்கான விதிமுறைகளை தமிழக அரசு வெளியிட்டுள்ளது.

சென்னை உயர் நீதிமன்றம் மற்றும் மதுரை உயர் நீதிமன்ற கிளையில், வழக்குகளை தாக்கல் செய்யும் சிலர், வழக்கறிஞர்கள் உதவி இல்லாமல் தாங்களாகவே விசாரணையின்போது ஆஜராகி வழக்காடி வருகின்றனர். பார்ட்டி இன் பெர்ஷன் என அழைக்கப்படும் இந்த முறையை ஒழுங்குப்படுத்துவதற்காக சென்னை உயர் நீதிமன்றம் புதிய நடைமுறைகளை வரையறுத்துள்ளது. அது தமிழக அரசின் அரசிதழில் வெளியிடப்பட்டுள்ளது.

அதன்படி, ஒரு வழக்கிற்காக நேரில் ஆஜராகி வாதாட விரும்புபவர்கள் முதலில் அதற்கு அனுமதிகோரி மனு அளிக்க வேண்டும். அந்த மனுவில் நோட்டரி வழக்கறிஞர் அல்லது வழக்கறிஞர் ஆணையர் சான்றொப்பம் இடவேண்டும். மேலும், சம்பந்தப்பட்ட நபர் தனது வழக்கிற்காக ஏன் வழக்கறிஞர் ஒருவரை நியமிக்க விரும்பவில்லை? என்பதற்கான காரணத்தை தெரிவிக்க வேண்டும்.

அந்த நபர் தொடர்ந்த வழக்கிற்காக நீதிமன்றத்துக்கு உதவ வழக்கறிஞர் ஒருவரை உயர் நீதிமன்றம் நியமிக்கும்பட்சத்தில் எந்தவித நிபந்தனையும் இன்றி அதை ஏற்றுக்கொள்ள வேண்டும்.

Image result for நீதிமன்றம் தீர்ப்பு

தனிநபர்கள் ஆஜராகி வாதாடுவதை ஒழுங்குபடுத்த ஒரு குழு ஏற்படுத்த வேண்டும்.

இந்த குழு, சம்பந்தப்பட்ட நபர் இலவசமாக சட்ட உதவி பெற தகுதி பெறும் நபராக இருக்கும்பட்சத்தில் இலவச சட்ட உதவிகளை அளித்து வரும் வழக்கறிஞர்கள் மூலம் மனுவை தாக்கல் செய்ய பரிந்துரைக்க வேண்டும்.

முன் அனுமதி கோரிய மனு, பிரதான மனு ஆகியவை இந்த குழுவால் பரிசீலிக்கப்பட்டு அனுமதிக்கப்பட வேண்டும்.

தனிநபர்களை நேரில் ஆஜராகி வாதாட அனுமதிக்கும்பட்சத்தில் சட்ட விதிகளுக்கு உட்பட்டு தான் பேச வேண்டும் என்றும், தகாத வார்த்தைகள் எதையும் பயன்படுத்தக்கூடாது என்றும் குழு அறிவுறுத்த வேண்டும். இதுதொடர்பாக அவர்களிடம் இருந்து உத்தரவாதம் பெற வேண்டும் என அரசிதழில் கூறப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close