[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

"புயலே வந்தாலும் சிதையாது"- புதிய பாம்பன் பாலத்தின் சிறப்புகள் !

new-pampan-bridge-consist-of-technology-that-stand-even-in-cyclones

ராமநாதபுரம் மாவட்டம் மண்டபம் ரயில் நிலையத்தை, ராமேஸ்வரம் தீவுடன் இணைக்கும் பாம்பன் பாலம் 1914, பிப்ரவரி 24-ஆம் தேதி மீட்டர் கேஜ் பாதையாக கட்டப்பட்டது. 1988 ஆம் ஆண்டு சாலைப் பாலம் அமைக்கப்படும் வரை, பாம்பன் ரயில் பாலம் மட்டுமே, ராமேஸ்வரம் தீவுக்கும், பிரதான நிலப்பரப்புக்கும் உள்ள ஒரே இணைப்பாக இருந்தது. ஆயிரக்கணக்கான சுற்றுலாப் பயணிகள் தினசரி ராமேஸ்வரம் கோயிலுக்குச் செல்ல இந்தப் பாலம் பயன்படுகிறது.

Image result for pamban bridge old photos

146 எஃகு காரிடர்கள் மூலம் 2,058 மீட்டர் நீளத்துக்கு கட்டப்பட்டுள்ள இப்பாலம் ஏற்கெனவே 104 ஆண்டுகளுக்கும் மேல் பயன்பாட்டில் உள்ளது. இது அப்பாலத்தின் வரையறுக்கப்பட்ட பயன்பாட்டுக் காலத்தை விட மிகவும் அதிகமாகும். மேலும், இந்தப் பாலத்தின் உயரம், கடல் நீர் மட்டத்திலிருந்து 1.5 மீட்டர் உயரமே உள்ளதால், பாலத்தின் காரிடர்களின் அடிப்பாகம் கடல் நீரில் நனைந்து துருப்பிடிக்கும் நிலையில் உள்ளது. இதனால், இப்பாலத்துக்கு இணையாக, இரட்டை ரயில் பாதைக்கு ஏற்றவாறு, புதிய பாலம் அமைக்க முடிவு செய்யப்பட்டுள்ளது.

Image result for pamban bridge old photos

புதிய பாலம் 18.3 மீட்டர் நீளம் உள்ள 100 ஸ்பான்களும், 63 மீட்டர் நீளம் உள்ள நேவிகேஷனல் ஸ்பானும் கொண்டதாக இருக்கும். புதிய பாலம், கடல் மட்டத்திலிருந்து 22 மீட்டர் உயரத்திலும், நேவிகேஷனல் ஸ்பான், செங்குத்தாக உயர்த்தப்படும் வகையிலும் அமையும். இதனால், ஸ்பானின் நீளமான 63 மீட்டர் அகலமும், கப்பல் போக்குவரத்துக்கு முழுமையாக கிடைக்கும். 

Image result for pamban bridge old photos

புதிய பாலத்தின் அடிப்படை கட்டுமானமும், நேவிகேஷனல் ஸ்பானும், இரட்டை ரயில் பாதை அமைக்க ஏற்றவாறும், மின் மயமாக்கலுக்கு ஏற்றவாறும் வடிவமைக்கப்படும். தற்போதுள்ள, மனித சக்தியால் இயக்கப்பட்டு பாலம் உயர்த்தப்படும் தொழில்நுட்பத்தோடு ஒப்பிடுகையில், புதிய பாலம் மின் இயந்திர கட்டுப்பாட்டு அமைப்புகளைக் கொண்டிருக்கும். மேலும் இது ரயில் கட்டுப்பாட்டு அமைப்புகளுடன் இணைக்கப்படும்.மேலும், இந்த புதிய பாலத்தில், துருப்பிடிக்காத எஃகினால் ஆன வலுவூட்டம், கம்போஸிட் ஸ்லீப்பர்கள் மற்றும் அதிக ஆயுள் கொண்ட சாயம் போன்ற பல புதிய தொழில்நுட்பங்களை பயன்படுத்த உத்தேசிக்கப்பட்டுள்ளது. 

Image result for pamban bridge old photos

இப்புதிய பாலத்தின் திட்ட மதிப்பீடு ரூ. 250 கோடிகள் ஆகும். இப்போதுள்ள பாலப் பகுதியில் 53 கி.மீ. வேகத்துக்குமேல் காற்று வீசினாலே, ரயில் மேற்கொண்டு செல்ல சிக்னல் கிடைக்காது. இதனால் அடிக்கடி ரயில் போக்குவரத்தில் பெரும் இடையூறு ஏற்பட்டு வந்தது. ஆனால் புதிய பாலத்தில் பல்வேறு நவீன தொழில்நுட்பங்கள் பொருத்தப்பட உள்ளதால், எந்தளவுக்கு மழை, காற்று என இயற்கை அச்சுறுத்தினாலும் பாதிக்காத வகையில் வகையில் அமைக்கப்பட உள்ளது என ரயில்வே அதிகாரிகள் தெரிவித்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close