[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

காதலனை நம்பி ஏமாந்த சிறுமி - ஃபேஸ்புக் நட்பால் நடந்த விபரீதம்

16-year-old-girl-cheated-by-guy-kown-from-facebook-in-tirunelveli

ஃபேஸ்புக் மூலம் சிறுமி ஒருவர் பாதிக்கப்பட்டுள்ள சம்பவம் மிகவும் அதிர்ச்சியை ஏற்படுத்தியுள்ளது. 

நெல்லை மாவட்டம் ராஜவல்லிபுரத்தை சேர்ந்தவர்கள் அர்ஜூனன் - காளியம்மாள் தம்பதியினர். இவரது முதல் குழந்தை சுவாச கோளாறு பிரச்னை காரணமாக 18 வருடங்களுக்கு முன்பு உயிரிழந்தது. அந்த குழந்தையின் நினைவாக மரம் நடும் பணியில் ஈடுபட்டுள்ளார். நாளடைவில் மரம் நட்டு வளர்ப்பதை முழுநேர பணியாக செய்து வருகிறார். இதுவரை பல்வேறு இடங்களில் 4 லட்சம் மரங்கள் நட்டு வைத்து உள்ளார். அவர் மட்டுமின்றி அவரது மனைவியும் மகளும் கூடவே மரம் வளர்ப்பில் ஈடுபட்டு வருகின்றனர். மகள் 10ம் வகுப்பை பாதியிலேயே நிறுத்திவிட்டு மரம் நடும் பணியில் ஈடுபட்டுள்ளார். 

மரங்கள் வளர்ப்பு இயற்கையை பாதுகாப்பது போன்ற  விஷயங்களை தெரிந்து கொள்ள தந்தை அர்ஜூனன் தனது மகளுக்கு புதிதாக ஆண்ட்ராய்ட்  போன் ஒன்றை வாங்கி கொடுத்துள்ளார். இதன்மூலம் அவர் ஃபேஸ்புக் கணக்கை தொடங்கியுள்ளார். அதில் அவருக்கு நேர்ந்த அவலம் குறித்து அச்சிறுமி, “பேஸ்புக் மூலம் தென்காசி அடுத்த சொக்கம்பட்டியை சேர்ந்த ராதாகிருஷ்ணன் என்ற இளைஞருடன் எனக்கு பழக்கம் ஏற்பட்டது. அது நாளடைவில் காதலாக மாறியது.

 பின்னர் வேலை வாங்கி தருவதாக என்னை அவர் சென்னைக்கு அழைத்து சென்றார். பின்னர் அங்கிருந்து கோயம்புத்தூர் அழைத்து சென்றார்.  அங்கு வாடகை அறை ஒன்றில் 4 நாட்கள் தங்க வைத்து தவறாக நடந்து கொண்டார். ஆசை வார்த்தை கூறி என்னை அழைத்து சென்றார். 

ஆனால், என்னை அவர் ஏமாற்றி விட்டு சென்றுவிட்டார். தற்போது தான் கர்ப்பமுற்று இருக்கிறேன். அவர் இதேபோல் வேறு பெண்கள் யாரையும் அவர் ஏமாற்றியிருக்கிறாரா என்று எனக்கு தெரியவில்லை. என்னை போல் வேறு எந்த ஒரு பெண்ணும் பாதிக்கப்பட கூடாது. எனவே அவன் மீது உரிய நடவடிக்கை எடுக்க வேண்டும்” என தெரிவித்தார்.

இது குறித்து அந்த இளம் பெண்ணின் தந்தை, “கடந்த மாதம் இது குறித்து தாழையூத்து காவல் நிலையத்தில் புகார் அளித்தேன். ஆனால் காவல்துறையினர் எந்த ஒரு நடவடிக்கையும் எடுக்கவில்லை. தனது மகள் பாதிக்கப்பட்டது போன்று வேறு எந்த ஒரு பெண்ணும் பாதிக்கப்பட கூடாது. எனவே எனது மகளின் இந்த நிலைமைக்கு காரணமானவர் மீது உரிய நடவடிக்கை எடுக்க வேண்டும்” என தெரிவித்தார். இது குறித்து தாழையூத்து காவல் நிலையத்தில் கேட்டபோது, சிறுமியை கடத்தி சென்றதாக கூறப்படும் புகாரில் விரைந்து நடவடிக்கை எடுத்து சம்பந்தப்பட்ட நபரை போக்சோ சட்டத்தின் கீழ் கைது செய்வதற்கான நடவடிக்கை எடுக்கப்பட்டு வருவதாக தெரிவித்தனர்.
 

Advertisement:
இது தொடர்பான செய்திகள் :
Advertisement:
Advertisement:
[X] Close