[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

ஆழ்துளை கிணற்றில் சிக்கிய குழந்தையை மீட்க எளிய கருவி கண்டுபிடித்த மாணவி

sirkali-porwell-rescue-demonstration-school-student

சீர்காழி அருகே ஆழ்துளைக் கிணறுகளில் விழுந்த குழந்தையை மீட்கும் எளிய முறையினை வடிவமைத்த அரசு பள்ளி மாணவிக்கு பாராட்டுகள் குவிந்து வருகின்றன. 

நாகை மாவட்டம் சீர்காழி அருகே தைக்கால் கிராமத்தை சேர்ந்தவர் பக்கீர் முகமது. இவரது மகள் சமீரா அருகே உள்ள வெங்கடேஷ்வரா அரசு பள்ளியில் 8 ஆம் வகுப்பு படித்து வருகிறார். சமீபத்தில் திருச்சி அருகே ஆழ்துளைக் கிணற்றில் தவறி விழுந்து சுஜீத் என்ற குழந்தை இறந்தது. இதனை அறிந்த மாணவி சமீரா, ஆழ்துளைக் கிணறில் விழும் குழந்தைகளை மீட்க எளிய முறை ஒன்றினை சிந்தித்து செயல்படுத்தியுள்ளார். 

அதன்படி பயனற்ற இரு காந்தங்களை பயன்படுத்தி குழந்தையின் பக்கவாட்டு பகுதி வழியே கீழே இறக்கி அவற்றை ஒன்றிணைக்கிறார். பின்னர் ஒருபுறமாக காந்தத்தை மேல் நோக்கி இழுத்து அதன் வழியே பட்டையான கயிறு விட்டு மறுபுறம் இழுக்கும் போது குழந்தை கயிற்றில் அமர்ந்த நிலை ஏற்படுகிறது. அந்த கயிற்றில் முடுச்சி போட்டு குழந்தையை இருக்கும் நிலையில் லாக் செய்து அப்படியே மேல் நோக்கி லாவகமாக இழுக்கலாம் என செயல் விளக்கம் அளித்து காட்டியுள்ளார்.

மேலும் பயனற்ற பொருட்களை கொண்டே இதை உருவாக்கியுள்ளதாகவும் மேம்படுத்தபட்ட அமைப்பாக உருவாக்கினால் 1000 ரூபாயில் இதனை செய்யமுடியும் எனவும் தெரிவித்தார். விளையாட்டு பொருட்களை வைத்து கூட இது போன்ற நல்ல செயல்களை செய்யலாம் என்கிற சமீராவின் எண்ணத்தையும் முயற்சியையும் பள்ளி ஆசிரியர்கள் மாணவ, மாணவிகள் பாராட்டினர். 
 

Advertisement:
இது தொடர்பான செய்திகள் :
Advertisement:
Advertisement:
[X] Close