விதிமீறி பட்டாசு வெடித்த 500 பேர் மீது ‌வ‌ழக்கு !

அனுமதி இல்லாத நேரங்களில் பட்டாசு வெடித்ததாக தமிழகம் முழுவதும் சுமார் 500 பேர் மீது வழக்குப்பதிவு செய்யப்பட்டுள்ளது.

பட்டாசு புகையால் காற்றில் அதிக அளவு மாசு கலப்பதை தடுக்கும் வகையில் பட்டாசு வெடிக்கும் நேரத்தை குறைத்து உச்சநீதிமன்றம் உத்தரவிட்டு இருந்தது. அதன்படி தீபாவளியன்று காலை மற்றும் மாலையில்‌ 6 மணி முதல் 7 மணி வரை, 2 மணி நேரம் மட்டுமே பட்டாசு வெடிக்க அனுமதி அளிக்கப்பட்டது. ஆனால், அனுமதி அளித்த நேரத்தை தவிர மற்ற நேரங்‌களிலும் பொதுமக்கள் பட்டாசு வெடித்தனர். இதுதொடர்பாக புகார் எழுந்ததையடுத்து, சென்னையில் 179 பேர் உட்பட 497 பேர் மீது வழக்குப்பதிவு செய்யப்பட்டுள்ளது. அவர்கள் மீதான குற்றம் நிரூபிக்கப்பட்டால், 6 மாத சிறை தண்டனை அல்லது ஆயிரம் ரூபாய் அபராதம் விதிக்கப்படும் என காவல்துறை தரப்பில் தெரிவிக்கப்பட்டது.