[X] Close
JUST IN
  • BREAKING-NEWS உள்ளாட்சித் தேர்தல் நடந்தால் நான் போட்டியிடுவது பற்றி தலைமைதான் முடிவு எடுக்கும் - உதயநிதி ஸ்டாலின்
  • BREAKING-NEWS சேலம் மாவட்ட முன்னாள் ஆட்சியர் ரோஹிணி மத்திய உயர்கல்வித்துறை துணை செயலாளராக நியமனம்
  • BREAKING-NEWS தமிழக பொதுப்பணித்துறை அதிகாரிகளுடன் முதலமைச்சர் எடப்பாடி பழனிசாமி ஆலோசனை
  • BREAKING-NEWS மகாராஷ்டிரா ஆளுநரை நாளை சந்திக்க சிவசேனா, காங்கிரஸ் உள்ளிட்ட கட்சிகள் முடிவு
  • BREAKING-NEWS உள்ளாட்சித் தேர்தலை நிறுத்த திமுக முயற்சிக்கவில்லை: மு.க.ஸ்டாலின்
  • BREAKING-NEWS ஐஐடியில் தற்கொலை செய்த மாணவி பாத்திமாவின் தந்தை இன்று முதல்வர் பழனிசாமியை சந்தித்து பேச உள்ளதாக தகவல்

‘பட்டாசு இல்லாத தீபாவளிக்கு அழைப்பு’ - முதுமலை வனத்துறை 

nilgiri-district-news

நீலகிரி மாவட்டம் முதுமலை புலிகள் காப்பக வனப்பகுதியை ஒட்டியுள்ள கிராம மக்கள் மற்றும் தங்கும் விடுதி நிர்வாகத்தினர் தீபாவளி தினத்தன்று பட்டாசு வெடித்து வனவிலங்குகளை தொந்திரவு செய்யாமல், பசுமை தீபாவளியை கொண்டாடுமாறு வனத்துறை அறிவுறுத்தியுள்ளது.

நீலகிரி மாவட்டம் முதுமலை புலிகள் காப்பக வனப்பகுதி எல்லையில் மசினகுடி, ஆச்சக்கரை, மாவநல்லா, பொக்காபுரம், தொரப்பள்ளி உள்ளிட்ட கிராமங்கள் உள்ளன. இந்த கிராம மக்களுக்கு இன்று முதுமலை புலிகள் காப்பக வனத்துறை சார்பாக அறிவுறுத்தல் கடிதங்கள் வழங்கப்பட்டுள்ளது. 

அதில் முதுமலை புலிகள் காப்பக வனப்பகுதியை ஒட்டி உள்ள கிராம மக்கள் மற்றும் விடுதி நிர்வாகத்தினர் தீபாவளி தினத்தன்று பட்டாசுகள் வெடிப்பதை தவிர்க்குமாறு கேட்டுக் கொண்டுள்ளது. இதனால் வனவிலங்குகளுக்கு தொந்திரவு ஏற்படுவதோடு, வனவிலங்குகள் வழிதவறி ஊருக்குள் வர வாய்ப்பு உள்ளதாக கூறப்பட்டுள்ளது. மேலும் வனவிலங்குகளின் குட்டிகளும் பட்டாசு சத்தத்தால் பாதிக்கும் சூழல் உள்ளதாகவும் குறிப்பிடப்பட்டுள்ளது.

எனவே வனத்துறைக்கு ஒத்துழைப்பு அளித்து தீபாவளி தினத்தன்று பட்டாசுகளை வெடிக்காமல் வனவிலங்குகள் மற்றும் சுற்றுசூழலுக்கு மாசு ஏற்படுத்தாத வகையில் தீபாவளி பண்டிகையை கொண்டாடும்படி கேட்டுக்கொள்ளப்பட்டுள்ளது. மீறி செயல்படுபவர்கள் மீது சட்டப்படியான நடவடிக்கை எடுக்கப்படும் என அந்த கடிதத்தில் குறிப்பிடப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close